23
Yechim qabul qilish uchun
(biron-bir ishni qilishdan avval inson nimani va
qanday qilishini aniqlab olishi kerak);
Rivojlanish uchun
(axborotni qabul qilib va u bilan
ishlab inson xotira va
aqlni rivojlantiradi);
Ehtiyojlarini qondirish uchun
(insonga qiziqarli kitob,
chiroyli musiqa,
rasm, sportchilarning hayajonli janglari kerak).
Axborot nafaqat inson hayotida, balki butun insoniyat jamiyati hayotida
muhim o‘ringa ega. Jamiyat mavjudligining asosi
axborot almashinishdan
iborat.
Axborot almashinish tufayli jamiyat alohida jamiyat a’zolarini birlashtira
oladi. Agar insoniyat jamiyatini nazarda tutsak,
ijtimoiy jamoa tuzumidagi
odamlarning birgalikda ovga chiqishlari bir-birlari bilan axborot
almashinishlari orqali amalga oshgan. Axborotning birlashtiruvchilik roli
hozirgi kunda ham o‘zgargani yo‘q – insonlarning
katta jamoasini maqsad
sari yo‘naltirishning boshqa usuli yo‘q (axborot almashishdan tashqari).
Axborot jamiyat hayotida boshqarish uchun qo‘llaniladi. Jamiyat hayotining
turli tomonlarini boshqarish uchun bir necha axborot vositalari
(qurilmalari) yaratilgan. Oddiy misol – yo‘l svetofori – harakat
qatnashchilariga avtomatik tarzda ma’lum bir rangdagi
signallarni yuborib
yo‘l harakatini boshqaradi.
Insoniyat jamiyatiga xos xususiyatlardan biri – avloddan
avlodga axborotlarni
uzatish va to‘plashdan
iborat.
Zamonaviy ilm-fandan
Inson miyasi doim ishlaydi – kunduzi hissiyot
organlaridan olgan signallarni qabul qiladi va qayta
ishlaydi, kechqurun esa miya faoliyati natijasida tushlar
