III-Bob. Iqtisodiyotni modernizatsiyalash sharoitida qishloq xo‘jaligi mahsulotlarini qayta ishlash samaradorligini oshirish va takomillashtirish yo’llari

O‘zbekiston sanoatining rivojlanish xususiyatlari sanoat tarmoqlarining qayta ishlash sohalarida fond qaytimi va mehnat unumdorligining jadal o‘sish tendensiyasiga erishilgani bilan ajralib turadi. Mehnat unumdorligining o‘rtacha yillik o‘sishi sanoat bo‘yicha 2013-2015 yillarda 12 foizni tashkil qildi. Sanoatning mashinasozlik, yengil, oziq-ovqat tarmoqlarida o‘sish darajasi ancha yuqori bo‘lgan (o‘rtacha 15,4 foiz), yoqilg‘i-energetika tarmoqlarida 5,4 foizni tashkil qildi. Qayta ishlanish darajasi yuqori bo‘lgan mahsulotlar ishlab chiqarishga mo‘ljallangan tarmoqlarda fond qaytimining jadal o‘sish darajasida ijobiy tendensiya kuzatilgan. Bu tarmoqlarda fond qaytimi o‘rtacha 1,8 marta, jumladan, mashinasozlikda 4 marta, yengil sanoatda 3,5 marta, oziq-ovqat tarmog‘ida 4,7 marta ortgan.