|
I. X. Siddikov A. A. AbdumalikovBog'liq Monitoring algoritimlariKIRISH
Jahonda energiya ta’minoti manbalari monitoringida axborotlarni
qabul qilish va taqsimlashda turli signal o‘zgartirish jarayonlarini
amalga oshiruvchi, qat’iy belgilangan monitoring holati kattalik va
parametrlarining qiymatlarini meyorlash hamda ularda qo‘llaniluvchi
algoritm hamda apparat va dasturiy vositalarga katta e’tibor
qaratilmoqda. Jumladan, monitoring qurilmalarida kechuvchi
jarayonlarning keng funksionalligi, tezkorligi, ishonchliligi va
aniqliligini ta’minlovchi ishlash tamoyilli algoritmlar hamda amaliy
dasturiy vositalarni ishlab chiqishga katta e’tibor qaratilmoqda. Ushbu
yo‘nalishda texnika va texnologiyasi yetarli rivojlangan mamlakatlarda,
jumladan AQSh, Germaniya, Yaponiya, Xitoy, Koreya va Rossiyada
xam energiya ko‘rsatkichlarini monitoringi qurilmalari, ularning ishlash
algoritmlari va dasturiy majmualarini yaratish hamda amaliyotga
qo‘llash masalalari muhim vazifalardan biri bo‘lib kelmoqda.
Jahonda energiya ta’minoti manbalari monitoringida axborotlarni
taqsimlashning turli signal o‘zgartgichlarini keng qo‘llash, ular
yordamida doimiy monitoring jarayonlarini amalga oshirishda
infokommunikatsiya vositalarini uzluksiz va sifatli ishlashini ta’minlash
bo‘yicha signallar bilan ta’minlovchi apparatlar, qurilmalar, vositalar
hamda algoritm va dasturiy vositalarini takomillashtirishga qaratilgan
qator ilmiy tadqiqot ishlari olib borilmoqda. Infokommunikatsiya
obyektlarining energiya ta’minoti tizimini ishonchli ish holatlarini
ta’minlashda ishlab chiqarilayotgan energiya miqdori va sifatini
manbalar quvvatini monitoring qilish asosida rejalashtirish, dasturiy
vositalar va texnik yechimlarni ishlab chiqishga alohida e’tibor
qaratilmoqda. Shu bilan birga elektr energiya manbalarining kattalik va
parametrlarini ikkilamchi signallarga o‘zgartirish apparatlari tuzilish
tamoyillari hamda ularning dasturiy vositalarini yaratish dolzarb
masalalardan hisoblanmoqda.
Respublikamizda raqamli iqtisod va axborot kommunikatsiya
sohasini takomillashtirish asosida infokommunikatsiya obyektlarining
elektr energiya ta’minoti ko‘rsatkichlarini monitoring tizimini
takomillashtirishga qaratilgan keng qamrovli chora-tadbirlar amalga
oshirilmoqda. 2022–2026-yillarga mo‘ljallangan yangi O‘zbekistonning
taraqqiyot strategiyasida, jumladan «Yashil iqtisodiyot texnologiyalarini
barcha sohalarga faol joriy etish orqali 2026-yilga qadar iqtisodiyotning
energiya samaradorligini 20%ga oshirish va havoga chiqariladigan
4
zararli gazlar hajmini 20%ga qisqartirish choralarini ko‘rish» vazifalari
belgilangan. Mazkur vazifalarni bajarishda shu jumladan energiya
manebalarini monitoring jarayonlarini modellashtirish, algoritmlash va
ularni amaliy faoliyatga qo‘llash muhim vazifalardan biri hisoblanadi.
O‘zbekiston Respublikasi Prezidentining 2021-yil 23-aprel kuni
Toshkent shahri tumanlariga tashrifi davomida “Toshkent shahrida
barpo etilayotgan zamonaviy korxonalar faoliyati hamda Yashnobod
tumani
mahallalarida
olib
borilayotgan
bunyodkorlik
va
obodonlashtirish ishlari bilan tanishish hamda bu boradagi ishlarni
jadallashtirish chora-tadbirlari to‘g‘risida” 2021-yil 30-aprelda qabul
qilingan 22-son bayonnomasi, O‘zbekiston Respublikasi Prezidenti
Administratsiyasining 2021-yil 3-maydagi 02-PA 1-7280-son topshirig‘i
ijrosi yuzasidan hamda 2019-yil 22-avgustdagi ”Iqtisodiyot tarmoqlari
va ijtimoiy soxaning energiya samaradorligini oshirish, energiya
tejovchi texnologiyalarni joriy etish va qayta tiklanuvchi energiya
manbalarini rivojlantirishning tezkor chora-tadbirlari to‘g‘risida”gi
PQ-4422-son qarorlari ijrosini ta’minlash va mazkur hujjatlarda
belgilangan vazifalarni amalga oshirishda ushbu monografiya muayyan
darajada xizmat qiladi.
|
| |