|
Ilmiy axborotnomaBog'liq maqola samduTadqiqot metodologiyasi. "Jinoyatchilik – geografik omillar" bogʻliqligini komplekslilik,
hududiylik va davriylik nuqtayi nazaridan koʻrib chiqadigan tushuncha "geokriminogen vaziyat"
tushunchasidir. Bu yerda "geo" nafaqat jinoyatchilikni oʻrganishning hududiy jihatlarini, kartografik
tahlil qilishni ham ifodalaydi. Shunday qilib, “geokriminogen vaziyat” tushunchasidan foydalanish
“kriminogen vaziyat” tushunchasidan geografik jihatlarni aniqroq ajratib koʻrsatish imkonini beradi.
Shuningdek, geokriminogen vaziyat jinoyatchilikning hududiy xususiyatlarini oʻrganish bilan birga,
ayni paytda uning yilning turli mavsum va vaqtlarida sodir etilishi, jinoyat sodir etgan shaxslarning
sotsial - demografik tarkibi hamda alohida turdagi jinoyatlarning sharoit va sabablarini ham tadqiq
etadi.
Demak, “geokriminogen vaziyat” tushunchasi bir vaqtning oʻzida ikkita metodologik
yondashuvni asoslashga yordam beradi:
1) geografik omillar va jinoyatchilikning oʻzaro munosabatlari;
2) kriminogen vaziyatning hududiy va davriy xususiyatlari.
Kriminogen vaziyatni oʻrganishga bunday yondashuv, birinchidan, jinoyatchilik, uning
sabablari va sharoitlarini oʻziga xos kriminologik va ijtimoiy geografik xususiyatlariga ega boʻlishi,
ikkinchidan, jinoyatchilikni oʻrganishda kartografik usullardan keng foydalanish imkonini beradi.
Tahlil va natijalar. Geokriminogen vaziyat hududning ijtimoiy-iqtisodiy vaziyatining tarkibiy
qismlaridan biri hisoblanib, bu tushunchadan foydalanish ilmiy va amaliy jihatdan istiqbolga ega:
birinchidan, ijtimoiy geografik sharoit va jinoyatchilikni yagona sabab-oqibat majmuasida oʻrganish,
hududdagi asosiy ijtimoiy salbiy omillarni aniqlash, ularning ijtimoiy vaziyatiga jinoyatchilik taʼsir
SamDU ilmiy axborotnomasi
Geografiya
|
| |
