“PEDAGOGIK MAHORAT” ilmiy-nazariy va metodik jurnal. 2023, № 11
82
yo‘naltirish zarurati tug‘iladi, ikkinchi tomondan, bo‘lajak o‘qituvchining kompyuter tarmoqlaridan
foydalanishga yo‘naltirilganligi va maxsus tayyorgarligini shakllantirish uchun muhandis texnolog
o‘qituvchilarini tayyorlash mazmunini yetishmayotgan o‘quv fanlari bilan to‘ldirish, sinfda o‘quv jarayonini
qo‘llab-quvvatlashning eng muhim didaktik vositalaridan biri sifatida ko‘rib chiqish zarur.
Pedagogik shart-sharoitlarni uchta katta guruhga bo‘lish mumkin: tashkiliy-pedagogik shart-
sharoitlarni ta’minlashda asosan fan dasturlari, o‘quv rejalar, talablarni ishlab chiqish, rivojlantirish, o‘quv-
uslubiy ta’minotni mazmunan rivojlantirish nazarda tutiladi, pedagogik-psixologik shart sharoitlarga turli
metodikalar ishlab chiqish va ta’lim-tarbiya jarayoniga tatbiq etish, psixologik o‘yinlar ishlab chiqish,
tarbiyalanuvchilarning hissiy-emotsional va aqliy harakatlarini shakllanishiga xizmat qiluvchi ishlanmalar va
texnologiyalar ishlab chiqish nazarda tutiladi; didaktik shart-sharoitlarga ta’lim muassasigacha ta’lim
muassasalari tarbiyalanuvchilari uchun o‘quv qo‘llanma va dasrsliklar, elektron usulubiy qo‘llanmalar,
didaktik o‘yinlarning elektron variantlarini ishlab chiqish nazarda tutiladi.
Bo‘lajak texnolog o‘qituvchisini tayyorlash jarayonini modellashtirishda biz uzluksizlik va izchillik
umumiy pedagogik tamoyiliga tayandik. Shunday qilib, pedagogika fakultetida psixologik-pedagogik va
mutaxassislik fanlar bloklarini o‘rganish bo‘yicha belgilangan tartibni buzmagan holda, biz axborot va
telekommunikatsiya texnologiyalari sohasida maxsus bilim va ko‘nikmalarni rivojlantirishga qaratilgan
qo‘shimcha kurslarni o‘z ichiga olish imkoniyatini ko‘rib chiqdik.
