Bu texnologiyanın ikinci variantı – infraqırmızı emitentlər və detektorlar dəstidir. Lövhənin
bütün səthi infraqırmızı torla örtülüdür, toxunma yeri hansı şüanın kəsilməsi ilə müəyyən edilir.
İnfraqırmızı və ultrasəs texnologiyası yalnız xüsusi bir markerin istifadə edilməsi ilə işə
salına bilər. Müstəviyə toxunan zaman marker ultrasəs və infraqırmızı siqnal verir. Lövhənin
səthində zədə alacaq heç bir sensor yoxdur. İnfraqırmızı və ultrasəs texnologiyası Hitachi və
Panasonic firmasının köhnə modellərində istifadə olunmuşdur, hal-hazırda interaktiv əlavələr
üçün xarakterikdir.
Elektromaqnit texnologiyası da xüsusi markerdən istifadəni tələb edir. Onun yerləşməsi
lövhə üzərindəki sensorlar vasitəsilə müəyyən edilir. Bu texnologiya, Activboard və İnterwrite
interaktiv lövhələrində istifadə olunur. Həmin bu texnologiyadan kompyuter monitorunu
əvəzləyən interaktiv panellərdə, həmçinin planşetlərdə istifadə olunur.
“Micropoint” texnologiya lövhənin bütünlüklə simsiz idarə edilməsinə təminat verir.
Markerə yerləşdirilən kamera toxunuşun nöqtə koordinatlarını müəyyənləşdirir. Elek-tron
markerə yerləşdirilən Bluetooth-ötürücü, kompyuterə toxunuş nöqtə koordinat-larını ötürür,
lövhə isə bu zaman nə qidalanma, nə də simsiz rabitə tələb etmir. Bu texnologiya Eno seriya
lövhələrində istifadə olunur.
