|
İnteraktiv lövhə ilə necə işləyirlər?Bog'liq İKT İnteraktiv lövhə ilə necə işləyirlər?
İnteraktiv lövhə ilə işləməyə başlamaq kifayət qədər asandır. Kompyuter siçanı əvəzinə
marker və ya barmaqdan istifadə olunur. Rəsm alətini seçməklə təsvir üzərində qeydlər aparmaq
olduqca asandır.
Hər bir interaktiv lövhənin proqram təminatının çətinlik dərəcəsindən asılı olaraq, bütün
funksiyaları yerinə yetirmək üçün az və yaxud daha çox vaxt tələb oluna bilər, amma bütün
interaktiv lövhələr üçün ümumi olan əsas funksiyalarla işləmək üçün xüsusi hazırlıq tələb
olunmur. Lövhələrin proqram təminatı, işə yeni alətin cəlb edil-mə prosesini asanlaşdırmaq və
onun uyğunlaşması üçün tələb olunan vaxtı qısaltmaq məqsədilə aydın şəkildə həyata keçirilir.
İnteraktiv lövhələrdə işin öyrədilməsi əsasən tədris müəssisə-lərində tələb olunur – burada təkcə
lövhənin əsas alətləri ilə işləmək yox, həmçinin interaktiv dərslərin yaradılması üsulları ilə
tanışlıq da vacibdir.
Hansı interaktiv lövhələr var?
İnteraktiv lövhələr, lövhə üzərində marker yaxud barmağın yerini müəyyən edən müxtəlif
texnologiyaların tətbiqi ilə istehsal olunur.
Bazarda ən çox yayılanlar aşağıdakılardır:
- Rezistiv texnologiya;
- İnfraqırmızı texnologiya;
- İnfraqırmızı və ultrasəs texnologiya vəhdəti;
- Elektromaqnit texnologiyası;
- “Micropoint” texnologiyası;
- Həcm texnologiyası.
Rezistiv texnologiyaya əsaslanan interaktiv lövhələrin müstəvisi, aralarında sensorlar
yerləşdirilən iki hissədən ibarətdir. Üst səthə istənilən predmetlə toxunan zaman, sensorlar
toxunma yerini müəyyən edir və dərhal alınan məlumatı kompyuterə ötürürlər. Rezistiv
texnologiya kompyuter proqramlarını idarə edir və əllə yaxud istənilən başqa bir predmetlə
qeydlər aparmağa imkan yaradır. Bu texnologiyanın çatışmazlığı – müstəvinin zədələnməsi
nəticəsində bütün lövhənin sıradan çıxma
ehtimalı yüksəkdir. Bu texnologiya SMART və digər
istehsalçılarının istehsal etdiyi interaktiv lövhələrdə reallaşdırılır.
|
| |
