|
Mundareja
|
| bet | 2/19 | | Sana | 11.11.2023 | | Hajmi | 1.48 Mb. | | #97275 |
Bog'liq Ali (3) 2 Лабораторная, Ilm-fan 0186, Маъруза Аудит, 6- СОХА ИКТваМЕН, Транспорт машиналари тажриба 2023, 18 dekabr, HMI haqida, ЭТТ слайд, 7-маъруза тақдимоти, 2 5375179836123789783, Jumamurodova Gullola, asls mi amalyot1, New73471674236457632t4t2674t`, New Microsoft Word DocumentVakuum ostida bug’latish paytida ikkilamchi bug’ni maxsus kondensatorda kondensatsiyalash yo’li bilan qurilmada vakuum hosil qilinadi va nasos yordamida kondensatsiyalanmagan gazlar so’rib olinadi. Bu usulda jarayon olib borilsa, eritmaning qaynash temperaturasini pasaytirishga erishsa bo’ladi. Natijada yuqori temperaturaga o’ta ta’sirchan mahsulotlar sifatini saqlab qolish imkoniyati tug’iladi. Undan tashqari, vakuumni jarayonda qo’llash, harakatga keltiruvchi kuch miqdorini oshiradi va bug’latish qurilmasining issiqlik almashinish yuzasini, hamda metall sarfini kamaytirish imkonini beradi.
Vakuum ostida bug’latishning yana bir afzalligi shundaki, past temperatura va bosimli issiqlik eltkichlardan foydalanish mumkin. Bu usulda bug’latilganda, hosil bo’lgan ikkilamchi bug’ni, keyingi korpusda birlamchi bug’ sifatida qo’llash mumkin.
Albatta, bu usulning kamchiliklari ham bor: jarayonda vakuumni qo’llash uning narxini oshiradi; bug’latgichdan tashqari bir nechta qo’shimcha qurilma va moslamalar ishlatish kerak.
Atmosfera bosimida bug’latish jarayonida hosil bo’lgan ikkilamchi bug’ atrof muhitga chiqarib yuboriladi. Bunday usul eng sodda deb hisoblansa ham, lekin u iqtisodiy jihatdan eng tejamsizdir.
Yuqori bosim ostida bug’latish jarayonida hosil bo’lgan ikkilamchi bug’qaytadan bug’latish jarayonida, hamda boshqa maqsadlar uchun ham ishlatish mumkin. Bu usulda jarayon yuqori bosimda olib borilgani uchun, eritmalarning qaynash temperaturasi ancha ko’tariladi.
Boshqa maqsadlar uchun ishlatiladigan ikkilamchi bug’ - ekstra bug’ deb nomlanadi. Yuqori bosim ostida bug’latish jarayonida ajralib chiqqan ikkilamchi bug’ni qaytadan qo’llash, vakuum ostida bug’latishga nisbatan issiqlikdan to’la miqdorda foydalanish imkonini beradi. Shuning uchun, ushbu usul faqat issiqlikka bardosh eritmalarni bug’latish uchun qo’llaniladi. Undan tashqari, yuqori bosim ostida bug’latish jarayoni uchun yuqori temperaturali issiqlik eltkichlarni ishlatish kerak. Bu hol albatta uning eng asosiy kamchiligidir.
Atmosfera bosimi, ayrim hollarda vakuum ostida jarayon olib borilganda, bir korpusli bug’latkichlardan foydalaniladi. Lekin, sanoat miqyosida ko’pincha bir necha qurilmadan yig’ilgan ko’p korpusli bug’latish qurilmalarida jarayonni olib borish keng tarqalgan. Bunday qurilmalarda faqat birinchi korpusda birlamchi bug’ishlatiladi. Ikkinchi, uchinchi va keyingi korpuslarda esa, oldingi korpusda ajralib chiqqan ikkilamchi bug’ qo’llanilsa, eltkich tejalishiga sabab bo’ladi va bug’ sarfining kamayishiga olib keladi.
Bir korpusli bug’latish qurilmalarida ham, birlamchi bug’ sarfini kamaytirish mumkin. Buning uchun, qurilmadan chiqayotgan ikkilamchi bug’ issiqlik nasosi yordamida birlamchi bug’ temperaturasiga to’g’ri keladigan bosimgacha siqiladi va qaytadan eritmani bug’latish uchun qurilmaga yo’naltiriladi.
Jarayonlarni o’tkazish shartlari va qurilmalarni qo’llash sohasiga qarab, bug’latish qurilmalari turlicha bo’ladi.
NAZARIY QISM
1.1. BUG’LATISH JARAYONI
Bug’latish jarayonida eritmalarning konsentratsiyasi ortadi va natijada uning fizik va issiqlik xossalari o’zgaradi.
Bug’latish qurilmalarini hisoblash, loyihalash va ekspluatatsiya qilish uchun muhim bo’lgan eritmalarning ba’zi bir xossalarini ko’rib chiqamiz.
|
| |
