| G’o’zani yagonalash. G’o’za 1-2 chinbarg paydo bo’lganda o’tkazildi. Yagonalash 8- kunda yakunlandi. YAgonadan keyin 8 chi kuni ya`ni bir marta tekshirilib keyin ko’karib chiqqan, nimton, kasallangan nihollar olib tashlanib, to’liq va tekis gektar hosil qilindi.
Paxtani yagona qilishda o’lchov tayyoqchalaridan foydalanildi.
“Buxoro -6” navi g’o’zasi kuchli shoxlanib o’sganligi uchun bir gektar maydonda 90-95 ming tup ko’chat qoldirildi. YA`ni bir metrda 8-9 tup ko’chat to’g’ri keladi. G’o’za qator orasiga ishlov berish katta ahamyatga ega. CHunki bunda tuproqning suv – fizik mikrobiologik xususiyatlari , havo almashinuvi va ozuqa tartibi yaxshilanadi, begona o’tlarni bir qismi yo’qoladi. G’o’za qator oralariga ishlov berishda tuproq xususiyatlar, joyning relefi, suv bilan ta`minlanganligi inobatga olib uning chuqurligi soni va muddatini belgilash maqsadga muvofiqdir. CHunki, tuproqni yuza qismidagi kesaklarni mayin xolatga keltirish natijasida suvni kapilyarlar orqali bug’lanishi kamayadi.Qator orasida 90 sm bo’lgani uchun kultivatorda 5 ta g’ozpanja, 34 ta KKo, begona o’t bosgan maydonlarda 8 ta pichoq 24-26 ta KKO, jami 37-39 mm organi o’rnatib qator oralari ishlandi.
Ta`kidlash joizki, keyingi kultivatsiyalarda g’o’zaning ildizini shikastlantirmaslik maqsadida yumshatish kengligi va chuqurligi 90 sm qator oralarida kultivator ishchi organlari o’simlikdan 8-10 sm uzoqlikda 6-8 sm chuqurlikda keyingi juftliklari mos ravishda 8-10,10-12 sm chuqurlikda o’rtadagilari 15-16 sm chuqurlikda o’rnatib ishlov berish kengligi 70-74 sm qilib o’rnatiladi.
|
