|
Musiqa fanida o'quvchilar bilan individual ishlash metodlarstrreplA: Kirish
|
| bet | 2/6 | | Sana | 30.05.2023 | | Hajmi | 0.84 Mb. | | #67096 |
Bog'liq MUSIQA FANIDA O\'QUVCHILAR BILAN INDIVIDUAL ISHLASH METODLARI 7fe1df47-4d9d-4b53-9b92-08def203fbdc, Destination A1 tarjimalari (2), Xadicha mustaqil ish 1, 3-Laboratoriya ishini bajarish bo'yicha namuna, 122121, metrologiyastandartlashtirish va sifat nazorati, investitsiya 4 sh, PT QQ TEST - копия, PT UZ TEST - копия, Qurbonova Laylo, 11-jahon mavzulashgan, informatika-5-6-sinf-68-soat-togarak, 3-лекция ПС и ГТ 409-21 МТХMavzuning dolzarbligi : Bizga ma’lumki umumta’lim maktablarining boshlang’ich sinflarida musiqa ta’limining poydevori qo’yiladi. Bu bosqich yoshlarni musiqa olamiga olib kirishda eng muhim va asosiy shakllantiruvchi bosqich hisoblanadi. Shunga ko’ra boshlang’ich sinfda musiqiy ta’lim – tarbiyaning asosiy vazifasi o’quvchilarning umumiy musiqiy qiziqish va qobiliyatlarini o’rganish, rivojlantirish, ularni musiqiy – nazariy savodxonligini tarkib toptirish bilan qo’shiq kuylash, musiqa tinglash, musiqani idrok etish, unga o’z munosabatini bildira olish, xalq musiqa ijodiyotiga qiziqishni shakllantirishdan iborat bo’ladi. Birinchi sinfga kelgan bolalar musiqiy uquvi, madaniyati, kuylash, musiqani qabul qilishlari jihatdan turli darajada bo’lishadi. Bu davrda bolalar moddiy borliq go’zalliklarini his eta olishga, go’zallik va nafosatdan zavqlana olishga, milliy madaniyat, san’at, urf-odatlar, qadriyatlarni o’ziga singdirishga va ularni qadrlashga o’rganadilar.
I.BOB: Umumta’lim maktablarida musiqa madaniyati fanini o’qitishning tashkiliy, metodik va pedagogik asoslari.
1.1. Umumta’lim maktablari musiqa ta’limi mazmuni va mohiyati.
Umumta’lim maktablarida o’tiladigan “musiqa madaniyati” darslari pedagogikaning umumdidaktik nazariyasi va prinsiplari asosida, tajribada sinalgan ta’limiy va tarbiyaviy ishlarni nazariy qismlarini umumlashtirib, amaliyotga taqdim etadi. Shu o’rinda pedagogikaning umumdidaktik prinsiplariga tayangan holda o’qituvchi va o’quvchilar tomonidan amalga oshiriladigan ta’lim mazmuni, ya’ni darsning o’ziga xos xususiyatlari, tuzilishi, o’qitish usullari, o’quvchilar egallashi lozim bo’lgan bilim va malakalar mezonlari, pedagogik yondashuvlar, talablar, ularning
yo’nalishlarini belgilab beradi.
Maktab musiqa darslarining asosiy vazifasi o’quvchilarni nafosat olamiga olib kirish, axolqiy – estetik tarbiya berish va shu orqali ma’naviyati yuksak insonlar qilib tarbiyalashdan iboratdir.
Musiqa darsi musiqa nazariyasi va amaliy ijrochilik bilan bog’liq turli faoliyatlardan tashkil topadi. Boshlang’ich sinflarda bular musiqa tinglash, vokal – xor mashg’ulotlari, musiqa savodi, bolalar cholg’u asboblarida chalish va ritmik; raqs harakatlarini bajarish elementlaridan iborat.Yuqori sinflarda bolalar cholg’u asboblarida chalish va ritmik; raqs harakatlarini bajarishdan foydalanilmaydi.
Musiqa boshqa san’at turlaridan o’zining ifoda vositalari, ya’ni “tili” bilan farq qiladi. Agar badiiy adabiyot so’z bilan, tasviriy san’at ranglar bilan, raqs san’ati harakatlar bilan ifodalansa, musiqa esa musiqiy tovushlarda vujudga kelgan ohanglar vositasida ifodalanadi. Yuqoridagi san’at turlarini ko’rish va eshitish orqali idrok etsak, musiqani tinglash orqali idrok etamiz.
Musiqa aniq vaqt o’lchovi bilan bog’langan san’atdir. Shuning uchun ijro etilayotgan musiqa tempiga sozlanib, uning xarakteri, turli elementlarini diqqat bilan tinglamasak uni mukammal idrok etaolmaymiz.
Musiqa bolalarga faol emosional ta’sir ko’rsatadi, quvontiradi, o’ylantiradi, fikrlashga undaydi.
Shuningdek, musiqa darsi boshqa fanlar bilan ham chambarchas bog’liqdir. Tasviriy san’at, adabiyot, ona tili, matematika, tarix, pedagogika, psixologiya, bolalar fiziologiyasi, vokal, ritmika kabilar musiqa darsini hayoti bilan bog’lashga, mazmunli va qiziqarli bo’lishiga yordam beradi.
Musiqa o’qitish metodikasi pedagogika fani sifatida tajribada sinalgan ishlarni nazariy qismlarini umumlashtirib, amaliyotda samarali natija bergan o’qitish metodlarini o’zida mujassamlashtiradi. Musiqa o’qitish metodikasi asosan pedagogika, psixologiya, estetika va san’atshunoslikning tadqiqot natijalariga asoslanadi. Metodika ta’lim-tarbiya jarayonida o’qituvchining o’quvchilar bilan ishlash usullarining mazmunini anglatadi. Shu bilan birga o’qituvchidan nafaqat kasbiy malaka, balki musiqiy iste’dod va qobiliyatlar mavjud bo’lishini ham talab qiladi.
Hozirgi kunda musiqa o’qitish metodikasi birdaniga shakllangan fan emas, balki, bunga qadar ijodiy va murakkab taraqqiyot yo’lini bosib o’tgan. Respublikamizda musiqa o’qitish metodikasini shakllantirishda ko’plab olimlar, metodistlar, tajribali o’qituvchilarning izlanishlarining ahamiyati kattadir. Musiqa o’qitish metodikasi bo’lg’usi musiqa o’qituvchilari va tarbiyachilarini pedagogika faoliyatiga tayyorlash bilan ularni dars jarayonini tashkil etishning samarali metod va usullari bilan qurollantiradi.
Umumta’lim maktablarida, xususan boshlang’ich (I - IV) sinflarda musiqa ta’limi oldida turgan eng muhim vazifalar quyidagilarni o’z ichiga oladi.
o’quvchilarni musiqiy qobiliyatini – musiqiy uquvi, ritmni his qilish tuyg’usini, diqqati, xotirasi, nutqini o’stirish;
o’quvchilarni milliy musiqamizga, ona vatanimizga, uning tarixi, tili, urf – odatlari, milliy qadriyatlariga muhabbat ruhida kamol toptirishni;
hayotda voqyelikni estetik idrok etish, go’zallikni his etish, badiiy barkamol va sayoz asarlarni farqlashga, mushohada qilish, o’z fikrlarini bildiraolish malakalarini hosil qilishni;
musiqani hayotbaxsh ta’sirida mehnatga, o’qishga, hayotga, o’z – o’zini va atrofdagilarni hurmat qilish, o’zgalar mehnatini qadrlashga o’rgatish:
Boshlang’ich ta’lim uchun davlat Ta’lim Standartlari asosida barcha fanlar qatori musiqa fani uchun ham milliy negizda musiqa fani dasturlari va shu asosda darsliklar yaratilid. Ular mazmunida eng avvalo musiqa ta’limida milliy musiqa merosimizdan keng va unumli foydalanish, ommaviy xalq kuyqo’shiqlari, lapar, yalla, dostonchilik ijodi va bugungi zamonaviy musiqaga yetakchi mavqye berilgan. Boshlang’ich sinflar bo’yicha o’quv dasturining bosh mavzusi “Musiqa va hayot” deb nomlanadi va yil, chorak mavzulari ana shu mavzu tarkibida uyg’un mujassamlashadi.
|
| |
