9
- oilada ota-ona va o’smir munosabatlarining eng samarali uslublari qo’llanilsa
o’smirlar deviant xulq-atvorining rivojlanish tendensiyasini kamaytirishga
erishish mumkin;
- deviant xulqni pedagogik korreksiyalashni yangi texnologiyalarini ishlab
chiqish orqali bu holatni oldini olishga erishish mumkin.
Mavzu bo’yicha qisqacha adabiyotlar tahlili. Tarbiyasi «qiyin»lik va
u bilan bog’liq deviant xulqining vujudga kelish jarayoni: madaniy (M. Mid, E.
Fromm), iqtisodiy (G. Kayzer, B. Xolist, G. Shnayder), ijtimoiy (S.D.
Arzumanyan, N.P. Dubinin, V.N. Kudryavtsev), salomatlik (M.I.Buyanov, P.B.
Gannushkin, A.I. Zaharov, I.I. Kovalev, Z.F. Kamaletdinova, A.E. Lichko),
ijtimoiy-psixologik (M.A. Alemaskin, S.A. Belicheva, L.I. Bojovich, G.G.
Bochkareva, A.I. Dolgova, YA.L. Kolominskiy, V._M. Karimova, M.N.
Ovchinnikova, E.G’. G’oziev), pedagogik (A.S. Belkin, N.N. Vertsinskaya, L.S.
Vigotskiy) kabi keng qamrovli ta`sirlar oqibati ekanligi aniqlangan.
Shuningdek,
bir qator psixologlar (M.A. Alemaskin, N.V. Jutikova, I.S. Kon, I.A. Furmanov)
salbiy xulq sabablarini tahlil qilar ekanlar, uning oldini olish va tarbiyaviy
chora-tadbirlarni tashkil qilishda psixologik–psixologik
omillarning ahamiyatiga
muhim o’rin beradilar. Shuningdek N.Komilovani “Xulqi og’ishgan bolalar
psixologiyasi” nomili o’quv qo’llanmada bolalarning og’ishgan xulqini
psixologiyasining dolzarb masalalari: ushbu ko’rinishning fenomenologiyasi,
turlarning tasnifi, determinasiya va ishlash mexanizimlari, ijtimoiy-psixologik
prevensiya va intervensiyaning usullari ko’rib chiqiladi. N.Komilova
muallifligidagi “Ijtimoiy reabilitatsiya” o’quv qo’llanmasida ekstremal
vaziyatlar inson psixologiyasining
dolzarb masalalari, ekstremal vaziyatlarda
yashab ketish va jabr ko’rgan shaxsga dastlabki psixologik yordam ko’rsatish
usullari bo’yicha tavsiyalar to’plamini o’z ichiga oladi.
