1.3. CPU 944 markaziy qurilmasining bloklarini asosiy vazifalari: - Ta`minot bloki (PS 951) – 115/220 V tarmoqni o`zgaruvchan kuchlanishini
yoki 24 V o`zgarmas kuchlanishni programmalashtiriladigan kontrollerni (PK)
ishchi kuchlanishiga o`zgartiradi va kuchlanish o`chirib qo`yilgan vaqtda RAMni
o`zgarmas xotirasini batareyadan ta`minlab turadi. Bundan tashqari u kuchlanishni
nazorat qilish va u to`g‘risida axborot berish vazifasini bajaradi.
- Markaziy protsessorni moduli (CPU) kirishidagi signallarni holatlari
to`g‘risida ma`lumotlarni hisoblaydi, boshqarish programmasini bajaradi va
chiqishlarida signallarni o`rnatadi. Programmalarini qayta ishlash vazifalari bilan
bir qatorda foydalanuvchiga ichki markerlarni, taymerlarni, sanagichlarni
foydalanishga imkon beradi va oldindan ishga tushirish usulini o`rnatishga hamda
svetodiodlar yordamida xatolarni diagnostika qilishga imkon beradi. Bulardan
tashqari, yuza paneliga o`rnatilgan qayta ulagichdan foydalanib, RAM ni xotirasini
butkul o`chirib tashlash imkoniyati bor. CPU ga boshqarish programmasini xotira
moduli yoki programmator orqali kiritish mumkin.
- Kommunikatsiyalovchi protsessori (CP). S5 – 115U/PK da odam – mashina va mashina – odam aloqasi uchun
kommunikatsiyalovchi protsessorlarni o`rnatish mumkin. Ular quyidagi uchun
xizmat qiladi:
stanokni vazifasini va jarayonni bajarilishini borishini diagnostika, xizmat va
monitoring qilish uchun;
stanok va qurilmalarni holatlari bo`yicha ma`lumot berish va protokollash.
Bu protsessorlarga turli periferiya qurilmalarini, masalan, pechatlaydigan qurilma,
klaviatura, berilganlarni qayta ishlaydigan qurilma, terminallar, monitorlar hamda
PK boshqa qurilmalarini va eHM ni ulash mumkin.
- Texnologik modullar (IP), signallarni oldindan qayta ishlovchi blok maxsus
topshiriqlarni bajarish uchun qo`llaniladi:
– katta chastotali impulslarni sanash;
– inkriment yo`llarini qabul qilish va qayta ishlash;
– haroratni va ijro etuvchi mexanizmlarni rostlash va boshqalar.
