|
“Fizika va texnologik ta’lim” jurnali | Журнал “Физико-технологического“Fizika va texnologik ta’lim” jurnali | Журнал “Физико-технологического
образование” | “Journal of Physics and Technology Education” 2021, № 4 (Online)
Journal of Physics and Technology Education | https//phys-tech.jspi.uz/
78
rivojlantirishni oladi. Aytilganlar esa o‘z navbatida uchta guruhdagi kasbiy sifatlar
orqali namoyon bo‘ladi. Ularga:
-nazariy bilimlar va intellektual o‘quv;
-maxsus amaliy o‘quv va ko‘nikma;
-shaxsiy pedagogik,ya’ni pedagogik mahoratlar kiradi.
Texnologik ta’limi yo‘nalishlarini endigina bitirgan va maktablarga
pedagogik amaliyotga borgan talabalarimizning ish faoliyatlarini uzoq yillar
kuzatishimiz natijalari shuni ko‘rsatadiki, texnologik ta’limi o‘qituvchilarini
tayyorlashning eng og‘riqli ojiz joyi aynan ularda pedagogik mahoratning
yetishmasligi hisoblanadi. Buni ko‘pchilik amaliyotchi talabalarimiz va yosh
mutaxassislarimizning maktablarda mehnat ta’limida dars berishda amaliy
psixologik va pedagogik to‘siqlarni o‘ta qiyinchilik bilan qarshi olishi,
o‘quvchilarning diqqatini darsning asosiy maqsadi va vazifalari masalalariga jalb
qila olmasliklarida hamda o‘quv ustaxonalaridagi dastgohlardab ishlov berish
jarayonlarida o‘quvi bo‘yicha xatoliklarga yo‘l qo‘yishlari bilan izohlash mumkin.
Texnologik ta’limi o‘qituvchilarining pedagogik mahoratini oshirish
bo‘yicha texnologik ta’limini o‘qitish metodikasiga oid me’yoriy hujjatlar,
bilimlar, nazariy tavsiyalar, laboratoriya ishlari va hokazalar institutda o‘rgatiladi.
Shunga qaramasdan ko‘pchilik talabalarimiz ana shu me’yoriy xujjatlar
asosidagidek darsni o‘ta olmaydi.
Buning sababini bizningcha texnologik ta’limi o‘qituvchilari uchun
o‘qishdan ajralmagan holda pedagogik amaliyotni o‘tkazish bo‘yicha konkret
uslubiy tavsiyanoma yo‘qligi bilan izohlash o‘rinlidir. O‘quv pedagogik
amaliyotida talabalar uslubchi o‘qituvchining aytganini takrorlashdan nariga
o‘tolmaydilar. Ularning kamchiliklari odamda darsdan keyingi muhokamada
aytiladi. Aytilganlardan ko‘rinadiki, bo‘lajak texnologik ta’limi o‘qituvchilari
pedagogik mahoratini oshirish masalasi fanga oid faol o‘qitish metodini ishlab
chiqishni taqozo etadi.
Bu o‘qitish metodi bizningcha har xil pedagogik vaziyatlarni o‘rganishga
asoslangan o‘qishdan ajralmagan holda pedagogik amaliyotni o‘tkazish jarayonini
ilmiy boshqarishga asoslanishi lozim. Ma’ruzada pedagogik vaziyatlarni o‘rganish
va yengib o‘tishga asoslangan o‘qishdan ajralmagan holda pedagogik amaliyotni
tashkil qilishning ba’zi jixatlari va uning bo‘lajak texnologik ta’limi
o‘qituvchilarining pedagogik mahoratini oshirishdagi roli haqidagi mulohazalarga
oid bayon qilinadi.
|
| |
