|
Октябрь 2020 22-қисмBog'liq 22.Biologiya yonalishi 1 qismKalit so‘zlar:pedagogik texnologiya,interfaol usullar,noyob o‘simliklar,ekologiya
Bizga ma’lumki an’anaviy dars turlarida ta’lim-tarbiya jarayoni markazida o‘qituvchi turadi.
U o‘quv materialini tushuntiradi, so‘raydi va bilimlariga yarasha baholaydi. O‘quvchilar esa
o‘qitish jarayonining chetki sust ishtirokchisi bo‘lib, ular o‘qituvchi tushuntirishlarini eshitadilar
va uning savollariga javob berish bilan kifoyalanib qoladilar. Bu esa o‘quvchilarning mustaqil
fikrlashlariga, ko‘nikma va malaka hosil qilishlariga imkon bermaydi.
Zamоnaviy ta’limni tashkil etishga qo‘yiladigan muhim talablardan biri оrtiqcha ruhiy va
jismоniy kuch sarf etmay, qisqa vaqt ichida yuksak natijalarga erishishdir. Qisqa vaqt оrasida
muayyan nazariy bilimlarni o‘quvchilarga yetkazib berish, ularda ma’lum faоliyat yuzasidan
ko‘nikma va malakalarni hоsil qilish, shuningdek, o‘quvchilar faоliyatini nazоrat qilish, ular
tоmоnidan egallangan bilim, ko‘nikma hamda malakalar darajasini bahоlash o‘qituvchidan
yuksak pedagоgik mahоrat hamda ta’lim jarayoniga nisbatan yangicha yondashuvni talab etadi.
Bunda o‘qituvchiga pedogogik texnologiyalar asosida dars o‘tish yordam beradi.
Pedagogik texnologiya bu har bir pedagog o‘z ta’lim-tarbiya jarayonida kasbiy mahoratidan
kelib chiqqan holda dars mazmunini yangicha usulda olib borishi tushuniladi. Bunda o‘qituvchi
o‘quvchiga mavzu tushunarli bo‘lishi uchun dars mobaynida turli interfaol metodlardan
foydalanib, har xil o‘yinlar o‘tkazish yo‘li bilan olib boradi. An’anaviy dars o‘tish usullariga
nisbatan noan’anaviy dars o‘tish metodlari ancha samarali ekanligi aniq isbotlangan tushunchadir.
Sababi yangicha pedagogik texnologiyalar asosida dars o‘tish yuqorida aytganimizdek o‘quvchi
yoshlarni mustaqil fikrlashga, o‘z g‘oya va tushunchalarini aniq bir so‘z bilan ifodalashga,
barkamol shaxs sifatida shakllanishiga yordam beradi. O‘qitish jarayonida interfaol usullarni
qo‘llash o‘quvchilarning o‘zaro muloqotga kirishishini tashkil etish va boshqarishni taqoza
etadi, bunda o‘quvchilar hamkorlikda izlanib umumiy, shu bilan bir qatorda har bir o‘quvchi
uchun ahamiyatga molik bo‘lgan muammoni hal etishga kirishib ular o‘rtasida bir-birini
tushunish hamkorlikda ishlash va hamjihatlik vujudga keladi. Interfaol usullar vositasida
dars o‘tishda o‘qitishning ijrochisi o‘quvchi hisoblanadi. O‘qituvchi bunda ta’lim olishning
tashkilotchisi,o‘quvchining yordamchisi sifatida qatnashadi.
Hozirda ta’lim amaliyotida bir qancha interfaol metodlardan foydalanib o‘quvchilarga
bilim berib kelinmoqda. Masalan, ”Fikriy hujum”, ”Yalpi fikriy hujum”, ”6x6x6”, ”Klaster”
va boshqalar. Bu kabi metodlarning barchasi o‘quvchilarning bilimlarini oshirib, ularning
ijodiy tafakkurini rivojlantiradi. Ushbu metоdni 5, 6, 7 va xattо 8 nafar o‘quvchidan ibоrat
bo‘lgan bir necha guruhlarda ham qo‘llash mumkin. Birоq yirik guruhlar o‘rtasida “6x6x6”
metоdi qo‘llanilganda vaqtni ko‘paytirishga to‘g‘ri keladi. Chunki bunday mashg‘ulоtlarda
munоzara uchun ham, axbоrоt berish uchun ham birmuncha ko‘p vaqt talab etiladi. So‘z
yuritilayotgan metоd qo‘llanilayotgan mashg‘ulоtlarda guruhlar tоmоnidan bir yoki bir necha
mavzu (muammо)ni muhоkama qilish imkоniyati mavjud. Ushbu metodning yana bir afzalligi
mashg‘ulot jarayonida o‘quvchi ham qatnashchi,ham tinglovchi,ham ma’ruzasi bo‘lishi mumkin
va qisqa vaqt ichida o‘z fikrlarini bayon qilishi mumkin. O‘qitish jarayonlarida o‘quvchilar bilan
guruh bo‘lib ishlash, ular bilan fikr almashish, ma’lum bir dolzarb muammolarni birgalikda
hal etish mumkin. O‘quvchi yoshlarni hozirda tabiat bilan bog‘liq bo‘lgan muammolarning
|
| |
