134
- kabel, optik (shisha tolali) kabel orqali va elektromagnit to‘lqinlar
shaklida uzatish.
Bunday usullar ishlatilganda signal kuchlanishiga
liniyadagi kuchlanish
tushuvi, kabel ulangan joylaridagi kontakt qarshiligi
yoki termoelektrik kuch va
parazit kuchlanishlar ta’sir ko‘rsatishi mumkin.
6.6a – rasmda signal uzatiladigan simning ulangan joylarida temperatura farqi
natijasida termoelektrik kuch hosil bo‘lishi ko‘rsatilgan. Shu sababli o‘lchash
zanjirlarida ulangan joylarni bir- biriga iloji boricha yaqin
qilish va tashqi muhit
temperaturasini nazorat ostida ushlab turish tavsiya etiladi. O‘lchash zanjirlaridagi
kontakt turlariga boltli va suqib ulangan kontaktlar
bilan birga kommutator va
relelarning kontaktlari kiradi.
Foydali signal o‘tayotgan zanjirga tashqaridan induktiv ta’sir yo‘li
bilan
begona signallar qo‘shilib qolishi mumkin (6.6b –rasm). Begona signallar o‘lchash
zanjirlariga kabel va sxemadagi oraliq sig‘imlar orqali kirib kelishi mumkin.
Uzatish zanjirlari katta chiqish qarshilikka ega bo‘lsa, ya’ni sensorning yuklamasi
kichik bo‘lganda sig‘im orqali begona signallarning kirib
kelishi ayniqsa kuchli
bo‘ladi. Begona signallar induktiv ta’sir va sig‘imlar orqali o‘lchash zanjiriga kirib
kelganda qiymati kichik bo‘lgan signallarni begona signallardan ajratib o‘lchash
imkoni deyarli qolmaydi.
