1) Boshqarmaning huquqni qoʻllash faoliyatida qonun ustuvorligi va qonuniylikni
taʼminlashni tashkil etish sohasida:
a) Boshqarmada, shuningdek tegishli tuzilmalarda qonun buzilishlarini, ularning sabablari
va shart-sharoitlarini bartaraf etish yuzasidan takliflar kiritadi, ushbu chora-tadbirlarni amalga
oshirishda ishtirok etadi;
b) Boshqarma rahbariyatiga taqdim qilinadigan buyruqlar, shartnomalar va yuridik tusdagi
boshqa hujjatlar loyihalarini ularning qonunchilikka muvofiqligi
yuzasidan ekspertizadan
oʻtkazadi hamda ular boʻyicha eʼtiroz va takliflar boʻlmasa, viza qoʻyadi. Bunda loyihalarga
Shoʻba boshligʻi tomonidan boshqarmaning boshqa tarkibiy tuzilmalari boshliqlari
(xodimlari)dan keyin viza qoʻyiladi;
d) jismoniy va yuridik shaxslarning huquq va erkinliklarini amalga oshirishga taʼsir
etadigan boshqarmaning qarorlari yuzasidan xulosalar beradi;
e) mustaqil ravishda yoki boshqa tuzilmalar bilan birgalikda boshqarmaning buyruqlari,
shartnomalari va yuridik tusdagi boshqa hujjatlarini ishlab chiqish, ularga oʻzgartish
va qoʻshimchalar kiritish, shuningdek ularni oʻz kuchini yoʻqotgan deb hisoblash toʻgʻrisida
takliflar tayyorlaydi;
f) Boshqarmada, shuningdek tegishli tuzilmalarda huquqni qoʻllash amaliyotini oʻrganadi,
tahlil qiladi va umumlashtiradi, uni takomillashtirish boʻyicha
takliflar tayyorlaydi va
rahbariyatga kiritadi;
g) Boshqarmaning boshqa tuzilmalari bilan birgalikda boshqarma, shuningdek uning
huzuridagi tashkilotlar va muassasalar hamda ularning mansabdor shaxslari faoliyatida
qonuniylikning buzilishi koʻrsatilgan arizalar, takliflar va shikoyatlarni koʻrib chiqishda ishtirok
etadi;
h) Boshqarmada boshqaruv tizimini takomillashtirish, boshqarma huzuridagi tashkilotlar
va muassasalar hamda ularning mansabdor shaxslarining huquq va majburiyatlarini belgilash
boʻyicha takliflar ishlab chiqishda ishtirok etadi;
i) Boshqarmada mehnat haqidagi qonunchilikka rioya etilishini taʼminlashda, shu
jumladan mehnat munosabatlarini tartibga soluvchi huquqiy hujjatlarni (mehnat shartnomasi,
jamoa shartnomasi, jamoa bitimi va boshqalarni) ishlab chiqishda ishtirok etadi, ushbu
hujjatlar
loyihalarining qonunchilikka muvofiqligini tekshiradi va huquqiy xulosa beradi;
j) Boshqarma rahbariyatiga davlat organi va tashkiloti faoliyatida
qonun ustuvorligi va
qonuniylikni taʼminlash ahvoli yuzasidan hisobot taqdim etadi;
k) Boshqarma xodimlarining kasaba uyushmalari va boshqa vakillik organlariga
vakolatlarini amalga oshirishda yuridik yordam koʻrsatadi;
3) Boshqarma xodimlarining huquqiy madaniyati va huquqiy savodxonligini oshirish,
ularga qabul qilinayotgan normativ-huquqiy hujjatlarning mazmun va ahamiyatini, shu jumladan
zamonaviy axborot-kommunikatsiya texnologiyalari orqali yetkazish sohasida:
a) Boshqarma rahbariyati uchun qonunchilik masalalari boʻyicha tahliliy materiallar
tayyorlaydi;
b) Boshqarma, shuningdek uning huzuridagi tashkilotlar va muassasalar xodimlarining
huquqiy bilimlarini oshirish tadbirlarini tashkil etish toʻgʻrisida takliflar kiritadi, ushbu
tadbirlarni oʻtkazishda ishtirok etadi;
d) Boshqarma faoliyatiga tegishli qonunchilikni targʻib qilish
ishlarini amalga oshiradi;
e) zudlik bilan Boshqarma axborot xizmatiga Boshqarma veb-saytiga joylashtirish
maqsadida qabul qilingan normativ-huquqiy hujjatlar va ularning mazmun va ahamiyati
toʻgʻrisida maʼlumotlar kiritadi;
f) Boshqarma xodimlarining murojaatlari boʻyicha ularga boshqarma faoliyatiga tegishli
huquqiy hujjatlarni topishga koʻmaklashadi, zarur hollarda ularning qoidalari boʻyicha
tushuntirishlar beradi;
g) qonunchilikka kiritilgan oʻzgartirishlar haqidagi maʼlumotlarni, sud amaliyotini, Adliya
vazirligining huquqiy ishlarga taalluqli koʻrsatmalarini boshqarma huzuridagi tashkilotlar va
muassasalarga yetkazadi;
4) shartnomaviy-huquqiy va talabnoma-daʼvo ishlarini yuritish, davlat organi va
tashkilotining mulkiy va boshqa manfaatlarini ishonchli himoya qilinishini taʼminlash sohasida:
a) davlat organlari va tashkilotlari, shuningdek fuqarolar bilan nizolar vujudga kelganda,
mustaqil yoki boshqa tarkibiy tuzilmalar bilan birgalikda ularni sudgacha
hal etish choralarini
koʻradi;
b) boshqa tuzilmalar bilan birgalikda boshqarma tomonidan shartnomalarni tayyorlash va
tuzish ishlarida ishtirok etadi, ularning qonunchilikka muvofiqligini tekshiradi hamda
shartnomalar loyihalariga, agar eʼtiroz va takliflar boʻlmasa, viza qoʻyadi. Bunda loyihalarga
Shoʻba boshligʻi tomonidan boshqarmaning boshqa tarkibiy tuzilmalari boshliqlaridan
(xodimlaridan) keyin viza qoʻyiladi;
d) shartnomalarni tuzish, bajarish, oʻzgartirish va bekor qilishning belgilangan tartibiga
rioya etilishini nazorat qiladi;
e) Boshqarma tomonidan tuzilgan shartnomalarni zarur darajada bajarish boʻyicha takliflar
kiritadi, shartnomaviy munosabatlarni takomillashtirish yuzasidan takliflar ishlab chiqishda
ishtirok etadi;
f) Boshqarmaning manfaatlarini himoya qilish boʻyicha talabnomalar
tayyorlashda va
davlat organi va tashkilotiga nisbatan bildirilgan talabnomalarni koʻrib chiqishda ishtirok etadi,
Boshqarmada talabnomalar bildirish va ularni koʻrib chiqish tartibiga rioya etilishini nazorat
qiladi;
g) tegishli tuzilmalar bilan birgalikda boshqarmaning debitorlik va kreditorlik qarzlari
ahvolini oʻrganadi, ularning miqdorini kamaytirish choralarini koʻradi;
h) shartnomaviy munosabatlardan kelib chiqadigan nizolar yuzasidan daʼvo ishlarini olib
boradi;
i) Boshqarmaning mulkiy va boshqa manfaatlarini huquqiy himoya qilish uchun zarur
boʻlgan hujjatlarni tayyorlashda hamda belgilangan tartibda sud majlislarida ishtirok etadi;
j) mulkni saqlash masalalari boʻyicha huquqiy tusdagi hujjatlar loyihalarining qonun
hujjatlariga muvofiqligini tekshiradi va ularni tayyorlashda ishtirok etadi;
k) boshqa tarkibiy tuzilmalar bilan birgalikda boshqarmada mulkning talon-taroj qilinishi,
kamomad va noishlab chiqarish xarajatlarining kelib chiqishi sabablari va sharoitlarini tahlil
qiladi hamda ularni bartaraf etish choralarini koʻradi, mulkning talon-taroj qilinishi va kamomad
holatlari boʻyicha materiallarni huquqni muhofaza qilish organlariga yuborish uchun
rasmiylashtiradi;
l) moddiy boyliklar va pul mablagʻlarini hisobdan chiqarish toʻgʻrisidagi hujjatlar
loyihalari, shuningdek qonun buzilishlari va suiisteʼmollar aniqlangan auditorlik tekshiruvlari va
xatlovdan oʻtkazish dalolatnomalari boʻyicha huquqiy xulosalar beradi.
Shoʻba boshligʻi qonunchilik hujjatlariga muvofiq boshqa funksiyalarni ham amalga
oshiradi.
12. Shoʻba boshligʻiga ushbu Yoʻriqnomada yoki boshqa qonunchilik hujjatlarida nazarda
tutilmagan funksiyalar yuklatilishiga yoʻl qoʻyilmaydi.
13. Shoʻba ishining samaradorligini oshirish uchun shart-sharoitlar yaratish yuzasidan
tavsiyalar ishlab chiqadi.
14. Shoʻba faoliyatini takomillashtirish boʻyicha takliflar tayyorlaydi, Shoʻba faoliyatiga
oid muhim masalalar haqida boshqarma boshligʻiga muntazam ravishda axborot beradi.
15. Shoʻba xodimlarining ichki mehnat tartibi,
mehnatni muhofaza qilish, xavfsizlik
texnikasi, yongʻin xavfsizligi qoidalari talablariga rioya etishlarini nazorat qiladi.
16. Rahbariyat topshirigʻiga asosan xizmat safarlariga boradi.
17. Jamoa va mehnat shartnomalari shartlariga amal qiladi.
18. Ichki mehnat tartibi, mehnatni muhofaza qilish, xavfsizlik texnikasi qoidalari
talablariga rioya qiladi.
19. Mazkur lavozim yoʻriqnomasida bayon qilingan zimmasiga yuklatilgan vazifalarni
bajaradi.
