Yuridik xizmat koʻrsatish shoʻbasi boshligʻining lavozim
Yoʻriqnomasi
1-bob. Umumiy qoidalar
1. Qoraqalpogʻiston Respublikasi Maktabgacha va maktab taʼlimi vaziri, Toshkent shahar
va viloyatlar maktabgacha va maktab taʼlimi boshqarmasi (keyingi oʻrinlarda
Boshqarma deb
yuritiladi) Yuridik xizmat koʻrsatish shoʻbasi (keyingi oʻrinlarda Shoʻba) boshligʻining lavozim
majburiyatlari, huquqlari va javobgarliklarini belgilab beradi.
2. Shoʻba boshligʻi belgilangan tartibda Boshqarma boshligʻi buyrugʻiga asosan Adliya
vazirligining hududiy boshqarmasi bilan kelishgan holda lavozimga tayinlanadi va lavozimdan
ozod etiladi.
Shoʻba boshligʻi Boshqarma boshligʻiga boʻysunadi.
3. Shoʻba boshligʻi lavozimiga oliy yuridik maʼlumotga, yuridik mutaxassislik boʻyicha
kamida ikki yillik ish stajiga ega boʻlgan, davlat tilini biladigan, mamlakatimiz ichki va tashqi
siyosatida sodir boʻlayotgan yangiliklar
hamda islohotlardan xabardor, sohaga oid normativ-
huquqiy hujjatlar va soha yuzasidan yetarli bilimga ega boʻlgan, zamonaviy axborot-
kommunikatsiya texnologiyalaridan foydalanish koʻnikmasiga ega boʻlgan shaxslar tayinlanishi
mumkin.
4. Shoʻba boshligʻi Oʻzbekiston Respublikasi Prezidentining “Yuridik
xizmat faoliyatini
tubdan takomillashtirish chora-tadbirlari toʻgʻrisida” 2017-yil 19-yanvardagi PQ-2733-son qarori
va Boshqarma boshligʻilar Mahkamasining “Oʻzbekiston Respublikasi Prezidentining “Yuridik
xizmat faoliyatini tubdan takomillashtirish chora-tadbirlari toʻgʻrisida” 2017-yil 19-yanvardagi
PQ-2733-son qarorini amalga oshirish chora-tadbirlari haqida” 2017-yil 1-yanvardagi 250-son
qarori talablariga qatʼiy amal qilgan holda oʻz ishini tashkillashtiradi va olib boradi.
