|
O„zbekiston respublikasi oliy ta‟lim, fan
|
| bet | 51/119 | | Sana | 24.05.2024 | | Hajmi | 4,33 Mb. | | #252328 |
Bog'liq MM Mahsulot sifati nazorati-2022Uyurmaviy tok nazorat usulida qoʻllaniladigan asbob-uskunalar
Metall va eritmalarning struktura holati ularning elektr va magnit xarakteristikalariga ta‘sir qiladi. Shuning evaziga nafaqat kimyoviy tarkibning variatsiyasini nazorat qilish mumkin, balki metall va eritmalar strukturalarini, shuningdek ularning mexanik kuchlanganligini aniqlash mumkin.
9.3-rasm. Uyurma tokli defektoskop.
Nisbiy elektr oʻtkazuvchanlikni uyurma tokli oʻlchagichlar va boshqa asboblar metallarni saralash va grafitlarni markalar (kimyoviy tarkibi boʻyicha)ga ajratish uchun keng qoʻllaniladi. Elektromagnit asboblar yordamida detallarni termik va kimyo-termik qayta ishlash sifatini, mexanik qayta ishlovdan keyingi (jilvirlar, yelimlash) yuza qatlamlarining holatini, metallarda yoriqlarni rivojlanishini dastlabki bosqichlarini aniqlashi, α- fazaning mavjudligini aniqlashi mumkin va h.k.
Quyida UTUda qoʻllaniladigan ayrim asboblar haqida ma‘lumot berib oʻtamiz.
1. Uyurmaviy tokli NORTEC 600 defektoskopi. Ushbu defektoskop turli xil metall konstruksiyalar va elektr tokini oʻtkazuvchi materiallardagi sirt va sirt osti nuqsonlarining chuqurligini aniqlash va oʻlchash uchun moʻljallangan koʻchma portativ defektoskopdir.
9.4-rasm. NORTEC 600 defektoskopi.
NORTEC 600 detektoskopida elektr tokini oʻtkazadigan materiallarda nuqsonlarni izlash uchun elektromagnit induksiyadan foydalanadi. Elektromagnit maydonning manbai oʻzgartkichning induktiv gʻaltagida yuzaga keladigan oʻzgaruvchan tokdir. Elektromagnit maydon oʻrganilayotgan materialdagi uyurmaviy toklarni hosil qiladi, ularining fazasi va amplitudasidagi barcha oʻzgarishlar asbobda qayd yetiladi.
NORTEC 600 yordamida alyuminiy, mis, titan, poʻlat, shu jumladan zanglamaydigan poʻlatdan yasalgan mahsulotlarni nazorat qilish mumkin.
|
| |
