33
Detal yuzasiga bir necha keskich bilan ketma-ket
ishlov berish paytida
keskichtutqichga oʻrnatilgan har bir keskich “oʻzining” yuzasini kesadi. Ishlov
berish vaqtini qisqartirish maqsadida bir vaqtning oʻzida
uchta yuzani kesadigan
koʻpkeskichli kallakdan foydalaniladi.
Ariqchalarni ochish va kesib tashlash bitta keskich bilan bajariladi.
Keskichning kesuvchi qirrasi detal oʻqining geometrik markaziga aniq oʻrnatiladi
va detalning boʻylama oʻqiga nisbatan parallellikdan ogʻishiga yoʻl qoʻyilmaydi.
Kesish aniqligi yuqori boʻlmagan tor ariqchalar (kengligi 20 mm.gacha
boʻlgan) keskichning bitta koʻndalang oʻtishida kesiladi (ochiladi). Aniqligi yuqori
boʻlgan ariqchalar keskichning uch marta oʻtishida kesiladi (ochiladi).
Masʼul shakldor ariqchalarni avval kesuvchi keskich bilan qirqiladi, keyin –
shakldor keskich bilan. Detallarning ortiqcha qismi kesuvchi toʻgʻri keskich bilan
kesib tashlanadi.
Konusaviy yuzalarni shakldor keskich bilan yoʻnishda
kalta tashqi va ichki
konusli yuzalarga ishlov beriladi (qirqiladi). Ishlov berishni boʻylama va koʻndalang
S-surishlar bilan bajarish mumkin. Konusga ishlov berishning aniqligi shakldor
keskichni aniq va toʻgʻri oʻrnatilishiga bogʻliq boʻladi.
Konusaviy yuzaning
aniqligiga yuqori darajada talab qoʻyilgan boʻlsa, keskich shablon boʻyicha
oʻrnatiladi.
