|
O’zbekiston respublikasi oliy ta’lim, fan va innovatsiyalar vazirligi toshkent moliya instituti
|
bet | 4/10 | Sana | 14.03.2024 | Hajmi | 109.47 Kb. | | #172269 |
Bog'liq bank huquqi 2 5314800468617081535Qadriyatlar
Burch
Burch – bu Markaziy bankda ishlashning naqadar muhimligini anglash va Markaziy bankning strategik maqsadlarini tushunib etgan holda birgalikda baham ko‘rish;
Markaziy bankda ishlash – bu jamiyatga va davlatga xizmat qilishlikni anglash;
Markaziy bank o‘z strategik maqsadlariga erishishida daxldorlik hissi;
Burch – bu o‘z ishiga innovatsiyalarni, ya’ni yangilanishlarni kirita bilish qobiliyati
Burchni amalga oshirish uchun to‘xtovsiz rivojlanish, o‘z ustida ishlash va kamolotga etish tushiniladi.
Mas’uliyat
Mas’uliyat - bu berilgan barcha va’dalarning va yuklatilgan vazifalarning yuqori darajada ado etilishiga tayyorlik;
Mas’uliyat - bu murakkab vaziyatlarda nafaqat o‘zi uchun, balki jamoa uchun ham qarorlar qabul qila bilish;
Mas’uliyat - bu xatolik emas, bu bildirilgan ishonch. Mas’uliyat - o‘z o‘ziga hisobdorlik, Markaziy bank, jamoa va o‘zining manfaatilari uchun axloqiy me’yorlar doirasida harakat qilish qobiliyatini o‘z ichiga oladi;
Mas’uliyat - bu shaxsning qarorlari yoki harakatlari natijasiga ta’sir etuvchi omil ekanligini anglash.
Jamoaviylik
Bu shunday tushunchaki, - “Biz barchamiz umumiy maqsad sari birlashganmiz va unga erishish uchun birga faol ishlaymiz”;
Jamoaviylik – bu murakkab masalalar vujudga kelganda Biz barchamiz kuchlarimizni safarbar etib, yagona muvofiqlashtirilgan mexanizm bo‘lib ishlashga bo‘lgan ishonchimiz;
Jamoa a’zolariga g‘amxo‘rlik. U yoki bu qarorning jamoa a’zolariga bo‘lgan ta’siri haqida qayg‘urish;
Bu shunday tushunchaki, “Kuchli jamoa – muvaffaqiyatimiz garovidir”;
Bu - hamkasblarni qo‘llab-quvvatlash, hamjixatlik, o‘zaro yordamga xozirlik, hamkasblarning “elkadoshligini” his qilish;
Markaziy bankning muvaffaqiyatlarga erishishida, uning jamoasi a’zosi bo‘lishdan faxrlanishdir.
O‘zbekiston banklari milliy iqtisodiyotga ta’sir eta oluvchi qudratli tizimga aylangunga qadar uzoq evolyutsion rivojlanish yo‘lini bosib o‘tdi. Bu yo‘lda qator qiyinchiliklarni yengib o‘tishiga to‘g‘ri keldi.
2010 yil
O'zbekiston tijorat banklari, avvalo, ixtisoslashgan kredit institutlari sifatida ko'zga ko'rina boshladi. Bu, bir tomondan xo'jaliklarning vaqtincha bo'sh mablag'larini jalb etishi, boshqa tomondan esa jalb etilgan mablag'lar hisobidan korxonalar, xususiy tadbirkorlar va aholining moliyaviy ehtiyojlarini qondirishi bilan dolzarb ahamiyat kasb etdi.
Xorijiy va mahalliy ekspertlarning qayd etishicha, so'nggi yillar davomida respublikada asosiy tamoyil — ixtisoslashuvdan uzoqlashish va bank faoliyatida universallashtirishni chuqurlashtirish kuzatilmoqda. Bu esa bank operatsiyalari mazmuni va kredit munosabatlari mohiyatini oldindan belgilab beradi.
2008–2009 yillar
Ushbu yillarda aholi va tadbirkorlik sub'ektlari uchun bank chakana mahsulotlarini rivojlantirish bank faoliyatining muhim yo'nalishiga aylandi.
Mazkur yo'nalishda banklar o'z faoliyatini dunyoviy amaliyotning “oltin” printsipidan kelib chiqqan holda olib bordilar. Ya'ni, aholiga ko'rsatiladigan xizmatlarning jozibadorligi tadbirkorlarning kreditlardan foydalanish keng imkoniyati bilan mutanosib holda rivojlantirildi. Davom ettirilgan islohotlar bank faoliyatini aholining turmush darajasini oshirishda muhim ahamiyat kasb etuvchi, ilgari qabul qilingan “Iste'mol krediti to'g'risida”gi va “Ipoteka to'g'risida”gi qonunlar doirasidagi faolligini yanada kuchaytirdi.
O'zbekiston tijorat banklari respublikamizdagi va jahon bank hamjamiyatidagi yangi voqelikka javoban o'zlari taklif etayotgan xizmatlari to'plamini kengaytirdi, bozorga yangi bank mahsulotlarini chiqardi va ayni paytda moliya institutlari faoliyatining xalqaro standartlarini faol joriy etishga kirishdi.
|
| |