196
Raxim Axmedov oldin o‘tgan rassom asarlarini ko‘rarkan men ularga
taqlid qilmasdan, o‘zimni tasavvurimda hayotni qanday ko‘rsam,
shundayligicha qog‘ozga tushuraman derdi. Musavvirlar R.Axmedovning
san’at asarlaridan biri “Tong, onalik” kartinasidir. Ushbu kartinada rassom
ranglar uyg‘unligiga e’tibor qaratib manzarani havo rang koloritda
bajargan.
Asarning tabiat qismiga qarasak asosan sovuq ranglardan foydalanib
bajarilgan. Uning onalik ya’ni birinchi planda berilgan oila tasviri qismi esa
iliq rang koloritida bajarilgan. Lekin manzara koloriti ham, oila qismidagi
iliq kolorit ham shunday uyg‘unlikda topilganki, natijada asar yaxlitligi
ta’minlangan. Birinchi plandagi mato, sholcha, ko‘rpa va boshqalar
tabiatdagi ranglar bilan uyg‘unlikda ishlangan. Tongdagi tabiat tasviri
go‘yo yupqa, harir parda orqali ko‘rinayotgandek taassurot qoldiradi.
Birinchi planning iliq koloritda bajarilganligi tomashabinni o‘ziga jalb
etadi va o‘yga toldiradi. Unda ranglardan kontrast ranglar deyarli
foydalanilmagan. Shuning uchun ham asar mayin, sokin holat taassurotini
beradi. Tabiat va inson uyg‘onish arafasidagi laxzaga ishora qiladi. Birinchi
plandagi turli-tuman ranglar ikkinchi va orqa plandagi narsalar rangi
bilan xavo perspiktivasi asosida uyg‘unlashib ketgan.
Hozirda Raxim Axmedovning ko‘pgina asarlari xorijiy mamlakat
muzeylarida saqlanmoqda. Bunga bir qancha yaratgan manzarali
asarlaridan “Tog‘ vodiysi”, “Oq toshda qish”, “Qish”, “Keksa daraxt
tagida”, “Oqtosh”, “Bahor”, “Quyoshli kuz”, “Vinetsiya” shahri ko‘rinishi,
“Kuz ranglari” kabilar misol bo‘la oladi.
R.Ahmedov chet el safarlarida ham bir necha turkum asarlar yaratib
kelgan. Uning “Vinetsiya oqshomi” shahar manzarasi, “Rim ko‘rinishlari”
kabi asarlari shular jumlasidandir. U ishlagan manzara asarlari o‘zining
yorqin ranglari bilan yodda qoladi. Uning kartinalarida manzaraning
tabiiyligi, ranglarning uyg‘unligi saqlanadi.
