|
Kreativlik esa bu ham o‘qituvchiga xos ham o‘quvchiga xos ijodkorlikdirBog'liq 65682317b2659 O\'QUV QO\'LLANMA SUNGISI 2003 doc 15 03 2
Kreativlik esa bu ham o‘qituvchiga xos ham o‘quvchiga xos ijodkorlikdir.
Albatta bugun biz rivojlangan davlatlar ta’lim tizimini o‘rganar ekanmiz har bir faoliyatida
o‘qituvchining kreativligiga, ijodkorligiga, mahoratiga, o‘z ustida tinimiz ishlashiga guvoh
bo‘lamiz.
Shu o‘rinda xitoy faylasufi
Konfutsiyni “O‘zini kamol toptira olmagan inson, o‘zgalar
kamolotini ta‘minlay olmaydi”
degan so‘zi yodimizga tushadi.
Agar temir ishlatilmasa, zanglaydi.
Agar suv harakatlanib turmasa, ayniydi.
Agar kishi fikrlamasa, aqlda ham
shunday holat yuz beradi.
Leonardo Da Vinchi
O‘qituvchi-muallimlarning shaxsiy ijtimoiy sifatlariga azaldan e’tibor qaratib kelingan va har
bir zamon talabidan kelib chiqib, pedagogga qo‘yiladigan u yoki bu sohadagi bilimlar, tajriba,
talablar takomillashib, murakkablashib boravergan va bu esa bugungi kunda kompetensiya so‘zi
orqali yuritiladi.
“
Kompetentlik” (ingl. “competence” – “qobiliyat”)
– faoliyatda nazariy bilimlardan samarali
foydalanish, yuqori darajadagi kasbiy malaka, mahorat va iqtidorni namoyon eta olish demakdir.
“Kompetentlik” tushunchasi ta’lim sohasiga psixologik ilmiy izlanishlar natijasida kirib
kelgan. Psixologik nuqtai nazardan kompetentlik “noan’anaviy vaziyatlar, kutilmagan hollarda
mutaxassisning o‘zini qanday tutishi, muloqotga kirishishi, raqiblar bilan o‘zaro munosabatlarda
yangi yo‘l tutishi, noaniq vazifalarni bajarishda, ziddiyatlarga to‘la ma’lumotlardan foydalanishda,
izchil rivojlanib boruvchi va murakkab jarayonlarda harakatlanish rejasiga egalik”ni anglatadi.
Kasbiy kompetentlik
– mutaxassis tomonidan kasbiy faoliyatni amalga oshirish uchun zarur
bo‘lgan bilim, ko‘nikma va malakalarning egallanishi va ularni amalda yuqori darajada qo‘llay
olinishi. Kasbiy kompetentlik mutaxassis tomonidan alohida bilim, malakalarning egallanishini
emas, balki har bir mustaqil yo‘nalish bo‘yicha integrativ bilimlar va harakatlarning o‘zlashtiri-
ishini nazarda tutadi. Shuningdek, kompetensiya mutaxassislik bilimlarini doimo boyitib borishni,
yangi axborotlarni o‘rganishni, muhim ijtimoiy talablarni anglay olishni, yangi ma’lumotlarni izlab
topish, ularni qayta ishlash va o‘z faoliyatida qo‘llay bilishni taqozo etadi.
|
| |
