| 3. Yigirish rejasini tuzish.
Har bir yigiruv korxonasida ma’lum yo‘g‘onlikdagi va ma’lum sifatli ip ishlab chiqarilishi lozim. Yigirilgan ip yaxshi sifatli va tan narxi past bo‘lishi kerak. Shu maqsadda yigirish sistemasiga, xom ashyo sifatiga, ayniqsa, tolaning uzunligi va ingichkaligiga qarab, ma’lum yo‘g‘onlikdagi ip ishlab chiqarish uchun korxonada yigrish rejasi tuziladi. Bu reja asosiy jumlalardan biri bulib u uz ichiga hamma mashinalardan olinadigan yarim tayyor mahsulotlar va ipning chiziqli zichliklari, qo‘shilish soni, pilik va ipning pishitilish koeffitsiyenti, 1m ga to‘g‘ri keladigan buramlar soni, cho‘zish kattaligi va mashinalarning mahsulot chiqarish tezliklari ko‘rsatiladi. Yigirish rejasi qanchalik optimal tuzilsa, korxona shunchalik samarador ishlaydi.
Yigirish rejasining har bir parametrini asoslash uchun loyihalovchi texnika sohasidagi adabiyotlarni, ilg‘or korxonalarning ish tajribalarini yaxshi bilishi va taqqoslashi kerak. Texnologik jarayonlarga ta’sir qiluvchi asosiy omillardan mashinalarning ish unumdorligini oshirishda va mahsulot sifatini yuqori bo‘lishini ta’minlashda foydalanish zarur.[7]
|
