9
«o‘rgan - bajar - his qil» modeli auditoriya tovarga qiziqmagan yoki
tovar kategoriyalarini yomon farqlaydigan holga to‘g‘ri keladi.
Xaridor tovar kategoriyalariga qiziqqan va kategoriya ichki holatini
yaxshi bilgan holat uchun marketolog qanday choralar ko‘rishi lozimligini
ko‘rib chiqamiz. Marketolog o‘z ta’sirini xaridorlar tomonidan qarorlar
qabul qilishning olti bosqichining har birida amalga oshirishi lozim. Bu
bosqichlar quyidagilardan iboratdir: xabardorlik, bilim, simpatiya, e’tibor,
xohish, xarid.
Axborotni uzatish uchun jo‘natuvchi kommunikatsiyaning turli
kanallarini tanlashi lozim. Kommunikatsiya kanallarining ikki tipi mavjud
- Shaxsiy vaShaxsiy bo‘lmagan.
Shaxsiy kommunikatsiya kanali - mahsulot yoki g‘oya bilan ikki
yoki undan ortiq kishini tanishtirish, muhokama qilish maqsadidagi
xabardir.
Muloqot dialog shaklida, bir kishining auditoriyaga murojaati,
telefon suhbati ko‘rinishida bo‘lishi mumkin.
Shaxsiy kommunikatsiya kanallarining samaradorligi taqdimotning
individualligi darajasi va teskari aloqani olish bilan belgilanadi.
Shaxsiy kommunikatsiya kanallariga quyidagilar kiradi:
1. Advokat kanallari - maqsadli auditoriya vakillari bilan bog‘langan
kompaniyaning savdo vakillaridan tashkil topgandir.
Ekspert kanallari - maqsadli auditoriya vakillari uchun murojaatnoma
qiladigan mustaqil ekspertlardan tashkil topadi.
Jamoatchilik kanallari - maqsadli auditoriya vakillari bilan
suhbatlashadigan qo‘shnilar, o‘rtoqlar, qarindoshlar, hamkasblardan
iboratdir.
