122
CD dan ma’lumotlarni o‘qish va yozishning maksimal tezligi.
Birinchi CD-ROM larning ma’lumotlarni uzatish tezligi (birinchi
tezlik) 150 kb/s ni tashkil etardi – bu qiymat o‘qish va yozish tezligini
o‘lchash birligi sifatida qabul qilingan. Ko‘pgina ishlab chiqaruvchilar
o‘z diskovodlarini tezliklarning 10X, 24X, 52X shaklida ko‘rsatadi.
Haqiqiy qiymati kb/s da aniqlash uchun X ning oldidagi raqamni 150
ga ko‘paytirish orqali bilib olish mumkin. Masalan, agar o‘qish tezligi
16X marta bo‘lsa, bu haqiqiy tezlik 150x16 = 2,400 kb/s degan ma’noni
anglatadi. Shuni yodda tutish kerakki, maksimal o‘qish tezligiga faqat
ideal sifatli disklar bilan erishiladi, haqiqiy qiymatlar biroz pastroq va
ma’lum bir diskning parametrlariga bog‘liqdir.
DVD disklaridan maksimal o‘qish / yozish tezligi.
DVD uchun
ma’lumot uzatish tezligi birligi 1,385 MB/s ga teng ya’ni, agar DVD
diskovod 8X ni o‘qisa, u holda haqiqiy tezlik 8x1,385 = 11,08 MB/s
ni tashkil qiladi. Maksimal o‘qish tezligiga faqat ideal sifatli disklar
uchun erishiladi. Deyarli har doim bu qiymat e’lon qilinganidan past va
ma’lum bir diskning parametrlariga bog‘liq.
