75
savdo zonalarini tashkil qilish maqsadga muvofiqdir.
3.1-rasm. Soliq bo’yicha beriladigan imtiyozlarnig turlari
42
Bozor iqtisodiyotiga o‘tish sharoitida, davlat ayrim tizimlarni shakllanishiga,
yangi hududlar va ishlab chiqarishni o‘sishida boshlang‘ich manbalarini tashkil
etilishiga yoki ishlab chiqarishni qo‘llab-quvvatlashga e‘tibor qaratish lozim.
Davlat hisobidan
investitsiyalarini
moliyalashtirishda,
ularning
strategik
rivojlanishda ahamiyatga ega bo‘lgan, lekin kelajakda tez samara bera olmaydigan
tarmoqlar va ilmiy tadqiqot ishlarini qo‘llab-quvvatlashga qaratilishi lozim.
Butun dunyoda davlat mablag‘lari asosan yo‘l qurilishi, shahar
obodonchiligi va ishlab chiqarish infratuzilmalarining rivojlanishi kabi umumiy
miqyosdagi ishlarga sarflanadi. Bozor iqtisodiyotining bozor mexanizmi sharoitida
davlatning roli asta-sekin torayib borib, davlat miqyosi darajasidagi vazifalar
qoladi. Ya‘ni, ijtimoiy sohaning boshlang‘ich ta‘limi, sog‘liqni saqlashning tez
tibbiy xizmat ko‘rsatish sohasi, davlat boshqaruvi va boshqalarni moliyalashtirish
byudjet hisobida qoladi.
Bugungi
kunda
xorijiy
investitsiya
ishtirokidagi
korxonalarining
daromadlarini soliqqa tortishda bir qator imtiyozlar berilgan bo‘lsada, bizning
42
Magistrant tomonidan iqtisodiy adabiyotlar asosida tayyorlandi.
Soliqlar bo’yicha beriladigan
imtiyozlarning turlari
Soliq
to‘lashdan
vaqtinchalik
ozod qilish
Soliq
stavkasini
kamaytirish
Soliqqa
tortiladigan
bazani
toraytirish
Soliq majburiyatini
bajarishni
kechiktirish(soliq
krediti)
76
fikrimizcha, birinchidan, bu soliq imtiyozlarining muddati, hajmi, qo‘llanish shart-
sharoiti aniq ko‘rsatilgan bo‘lishi, ikkinchidan, bu yengilliklar xorijiy investorlarga
yaxshi tanish va tushunarli bo‘lib kamida besh-o‘n yilga belgilanishi, uchinchidan,
soliq imtiyozlari o‘zgarmas va qat‘iy bo‘lishi lozim . Shundagina bu imtiyozlar o‘z
samarasini berishi mumkin.
Ma‘lumki, dunyo mamlakatlari orasida chet el investitsiyalarini o‘z milliy
iqtisodiyotiga jalb etishning raqobat shakli yildan-yilga kuchayib bormoqda. Shu
bois, chet ellik investorlarga yaratilgan qulaylik qaysi davlatda ustun darajada
bo‘lsa, boshqacha qilib aytganda, foyda olish ehtimoli kattaroq bo‘lsa, tabiiyki,
ularning aynan o‘sha davlat iqtisodiyotiga o‘z sarmoyasini kiritishga qiziqishi
ortmoqda. Bu esa, bozor iqtisodiyotining nisbiy samaradorlik qonuniga mos
keluvchi yechim hisoblanadi, ya‘ni qayerda samara (foyda) olish imkoniyati
nisbatan yuqori bo‘lsa, tadbirkorlar o‘sha yerdagi bozorga ko‘proq intiladi. Shu
nuqtai nazardan qaraganda, bugun O‘zbekiston bozor iqtisodiyotiga o‘tayotgan
davlatlar ichida eng yuqori investitsiya muhiti yaratgan mamlakatlardan biri bo‘lib
qoldi. Bu, shubhasiz, iqtisodiyotimizga to‘g‘ridan-to‘g‘ri jalb etilayotgan xorijiy
investitsiyalar oqimini yanada ko‘paytiradi.
Davlat iqtisodiy siyosati ko‘proq to‘g‘ridan-to‘g‘ri investitsiyalarni jalb
etishga va uni rag‘batlantirishga qaratilganligi bois, turli shakldagi investitsiyalar
oqimi yildan-yilga oshib borayapti. Chunki, mamlakatimizda olib borilayotgan
islohotlar doirasida aynan sarmoyadorlarning o‘zlari bevosita ishtirok etishi
hisobga olingan va buning uchun bizda yetarlicha shart-sharoitlar mavjud.
Ayniqsa, respublika mintaqalaridagi boy mineral xom ashyo resurslari, yetarli
miqdordagi malakali ishchi kuchlari, sog‘lom atrof-muhit, siyosiy, ijtimoiy-
iqtisodiy barqarorlik kabi omillar shubhasiz, xorijiy investitsiyalar oqimining
yanada ko‘payishiga, respublika mintaqalarida faoliyat yuritadigan korxonalar
rivojiga xizmat qiladi.
Yuqoridagi boblarda ta‘kidlab o‘tilgan huquqiy-me‘yoriy asoslarning yana
bir muhim jihati - bu uning xususiy investitsiyalarni jalb etishga qaratilganligidir.
Ma‘lumki, chet el ishbilarmon doiralari, yirik mulk egalarining O‘zbekistonga
77
qiziqishi, qolaversa, avvaldan O‘zbekistonda o‘z mulki va sarmoyasiga ega
bo‘lgan ko‘plab chet el tadbirkorlari o‘z bizneslarini yanada kengaytirish niyatida
ekanliklari hech kimga sir emas. Shularni hisobga olganda, aynan xususiy
investitsiyalarni jalb etishni rag‘batlantirishga qaratilgan shartlar bu uzoq strategik
ahamiyatga molik to‘xtamdir.
Xususiylashtirilayotgan korxonalarning investitsiya jozibadorligini oshirish,
xorijiy investorlarni jalb etish uchun qo‘shimcha rag‘batlantirishlarni tashkil qilish
maqsadida nazorat aktsiya paketlarini sotib olmasada, korxonalarga salmoqli
hajmlarda investitsiyalar investitsiyalar kiritayotgan investorlarga professional
boshqaruvchi kompaniyalarga beriladigan davlat aktsiyalar ulushini boshqarish
huquqini tanlovlarsiz berish ko‘zda tutilgan. Farmonning yana bir asosiy xususiyati
– bu investitsiya kiritish shartlari va joylarining aniq belgilab qo‘yilganligidir.
Ortiqcha ishchi kuchi bo‘lmagan mintaqalar - Qoraqalpog‘iston Respublikasi,
Jizzax, Qashqadaryo, Sirdaryo, Surxondaryo, Xorazm viloyatlarida, Navoiy,
Andijon, Namangan va Farg‘ona viloyatlarining qishloq aholi punktlarida yangi
korxonalarni joylashtirish ko‘zda tutilgan. Bunday holat xususiy saromyaga ega
bo‘lgan chet el tadbirkorlar faoliyatini yanada rag‘batlantirish maqsadiga ega.
Xorijiy investitsiyalarni milliy iqtisodiyotga faol jalb etishga manfaatdor har
qanday davlat o‘zining investitsiya siyosatini takomillashtirib boradi. Bu siyosat
xorijiy investitsiyalarni jalb etishning o‘ziga xos yo‘nalishini, shuningdek ularni
jalb etishni rag‘batlantirish tizimini aniqlab beradi va investitsiya faoliyatining
huquqiy tartibini belgilaydi.
Iqtisodiy adabiyotlarda va jahon tajribasida xorijiy investitsiyalarni
muvofiqlashtirishda turlicha tartib va usullarning bo‘lishi qayd etilgan. Masalan:
milliy tartib; adolatli va teng huquqlilik tartibi; qulay muhit barpo etish tartibi;
transparent (shaffoflik) tartibi va boshqalar. Shu bois jahon amaliyotida
qo‘llanilayotgan bu kabi tartib va usullarni qiyosiy tahlil etish bizningcha
maqsadga muvofiqdir.
Dunyoning ko‘pgina mamlakatlarida amaliyotda sinalgan investitsiya
siyosatining samaradorligini baholashning umumlashtiruvchi mezonlari va
78
huquqiy tartiblarining turlicha variantlaridan shakllangan ob‘yektiv qonunlar
asosida iqtisodiyotni rivojlantirish tajribasi to‘plangan.
Sanoati rivojlangan mamlakatlardagi iqtisodiy va siyosiy barqarorlik xorij
kapitali va investitsiyani maxsus qonunlarsiz ham yetarlicha himoyalash
imkoniyatini beradi. Bu yerda xorijiy investitsiyalar ham milliy ichki
investitsiyalar
kabi
umumiy
qonunlar
asosida
muvofiqlashtiriladi.
Bu
mamlakatlardagi aniq ishlab chiqilgan qonuniy baza chet el investorlarining
to‘laqonli faoliyatini, ya‘ni yangi kompaniyalarni tashkil etishda erkin faoliyatni
(ro‘yxatdan o‘tkazish jarayoni, mulk huquqi kafolati), foyda olish (soliq
siyosatidagi yengillik va imtiyozlar), nizolarni tartibga solish (mehnat
qonunlaridagi shaffoflik, monopoliyaga qarshi aniq tadbirlar) kabilarni
kafolatlaydi.
G‘arb mamlakatlarida hukumat kapital qo‘yilmalarni faollashtirish
strategiyasida ko‘proq xorijiy investitsiyalarni muvofiqlashtirishning egri usulidan
(soliq, amortizatsiya, moliya-kredit siyosati) foydalanishni afzal ko‘rishadi.
So‘nggi ikki o‘n yillikda g‘arbda investitsiya qarorlarini qabul qilishda va amalga
oshirishda mahalliy hududlarning javobgarligi va roli oshib bormoqda. Qator
mamlakatlarda (AQSh, Buyuk Britaniya, Frantsiya, Germaniya) mahalliy organlar
xorijiy investitsiyalarni va investorlar faoliyatini muvofiqlashtirishda yetarlicha
mustaqillikka egadir. Bu yerda investitsiya bozorini muvofiqlashtirishning asosiy
vositasi sifatida daromad solig‘i (foyda solig‘i) qo‘llaniladi. Bu soliq stavkasining
o‘zgarishi firma va kompaniyalarning investitsiya faoliyatiga bevosita ta‘sir etadi.
Umuman so‘nggi 20 yil mobaynida rivojlangan mamlakatlarda investitsiya
faoliyati keng kompyuterlashtirish, resurslarni tejash, yangi zamonaviy
texnologiya, shuningdek mahalliy xokimiyatni roli va javobgarligini oshirish
asosidagi yangi boshqaruv tizimi asosidagi iqtisodiyotni tuzilmaviy qayta qurishga
yo‘naltirilgan. Mahalliy hokimiyatlarga investitsiya dasturlarini boshqarishda,
ekologik siyosatni yurgizishda va hududiy rejalashtirishda asosiy rol belgilangan.
Jahon tajribasi shundan guvoh beradiki, investitsiya dasturi va loyihalarining
79
muvaffaqiyatli amalga oshishi uning ishtirokchilari o‘rtasida optimal proportsiyani
ta‘minlashga bog‘liqdir.
Rivojlangan mamlakatlarda hududiy investitsiya siyosatini olib borish o‘ta
muhim masalalardan sanaladi. Davlat doimiy ravishda har bir hududning iqtisodiy
imkoniyati, rivojlanish darajasini e‘tiborga olgan holda investitsiya siyosatini olib
boradi. Amerika Qo‘shma Shtatlarida federal darajada maxsus xorijiy
investitsiyalarni
rag‘batlantirish dasturlari ishlab chiqilmagan. Xorijiy
investitsiyalar uchun tavsiya etiladigan barcha imtiyoz va yengilliklar shtatlar
darajasida ishlab chiqilgan. Bu esa o‘z navbatida xorijiy investitsiyalarni jalb etish
bo‘yicha shtatlar o‘rtasida erkin raqobatni vujudga keltiradi. Har bir 50 shtat milliy
va xorijiy investitsiyalarni jalb etish bo‘yicha o‘zining maxsus ishlab chiqqan
dasturiga ega.
Har bir shtat aniq maqsadga qaratilgan xorijiy investitsiyalarni
rag‘batlantirish bo‘yicha bir necha xil dasturlarni ishlab chiqadi. Ular quyidagi
maqsadlarda bo‘lishi mumkin: ish joylarini tashkil etish; shtatni va alohida shtat
hududlarining iqtisodiyotini rivojlantirishni rag‘batlantirish; zamonaviy ilg‘or
texnologiyani joriy etish va fan texnika taraqqiyoti yutuqlariga erishish va h.k.
AQShda shtatlar miqyosida xorijiy investorlar uchun beriladigan imtiyozlar
- bu soliq imtiyozlari, moliyaviy yordam, infratuzilmani rivojlantirishda
hamkorlik, kadrlar tayyorlash, ijara haqi va elektr to‘lovlarini kamaytirish, past
foizlarda kredit shaklida bevosita moliyaviy resurslar ajratish kabilardan iborat.
Har bir shtatning mustaqil investitsiya siyosatini olib borishi, erkin
raqobatning vujudga kelishiga, shu hududda ishlab chiqarishning, tadbirkorlikning
rivojlanishiga zamin yaratadi.
So‘nggi yillarda qator mamlakatlarda hududni iqtisodiy rivojlantirish
korporatsiyalarini tashkil etish tajribasi keng qo‘llanilmoqda. Bu korporatsiyalar
mazkur hududda joylashgan firmalarning ishtirokida maxsus fondlarni
shakllantiradi. Bu fond mablag‘lari hududda infratuzilmani rivojlantirishga, yangi
qurilishlarga yo‘naltiriladi.
Xorijiy investitsiyalarni jalb qilish, chet el investorlariga turli yengillik va
80
imtiyozlarni joriy etish bo‘yicha Xitoy davlati tajribasi ham ahamiyatlidir. Xitoy
hukumati investitsiyalar oqimini hududlar darajasida, mahalliy hokimiyatga katta
vakolat bergan holda muvaffaqiyatli muvofiqlashtirib kelmoqda.
Markaziy organlar umumiy investitsiya siyosati doirasida qaysi sohaga
investitsiyalarni yo‘naltirish zarurligini aniqlab beradi. Mahalliy organlar esa bir
vaqtda investitsiyalarni rag‘batlantirish dasturlarini ishlab chiqadi. Chet el
investitsiyalarini jalb etish uchun ―soliq kanikuli‖ va yengilliklari, import ta‘riflari
bo‘yicha engilliklari kabi turlicha rag‘batlantirish usullari ishlab chiqilgan.
Ayniqsa ko‘pgina erkin iqtisodiy zonalarda tashkil etilgan korxonalarga nisbatan
bunday engillik va imtiyozlar ko‘proq ishlatiladi.
Hozirda Xitoy hukumati mamlakatning ichki tumanlariga ko‘plab, xorijiy
investitsiyalarni jalb etish uchun, ularga uzoq muddatga soliq to‘lashdan ozod
etish, foydasini har qanday to‘siqlarsiz olib chiqib ketish kabi shart-sharoitlarni
yaratmoqdalar. Mahalliy hokimiyatlar mahalliy iqtisodiyotni rivojlantirish uchun
chet el kapitalini jalb qilishni rag‘batlantirish dasturlarini markaziy organlarning
ruxsatsiz hayotga tatbiq etishlari mumkin.
Xitoy davlatining investitsiyalar bo‘yicha qonunlari Yaponiya, Janubiy
Koreya, Tayvan, Singapur kabi davlatlarining qonunlariga ko‘p jihatdan o‘xshash
holda ishlab chiqilgan. Shuning bilan birgalikda ta‘kidlash lozimki, turlicha
davlatlarning qonunlarida chet el investorlari faoliyatiga cheklanmalar ham
belgilangan. Deyarli barcha davlatlarda chet el kapitali kiritilishi mumkin
bo‘lmagan tarmoqlar mavjuddir. Bir qancha davlatlarda chet el investitsiyalari
uchun ayrim tarmoqlar to‘liq yopiqdir.
Xorijiy investorlarning faoliyati bo‘yicha cheklovlarni muvofiqlashtirishda
mahalliy organlarning ishtiroki ham salmoqlidir. Bir qancha davlatlarda mahalliy
hududdagi iqtisodiy vaziyatdan kelib chiqib, xorijiy investorlarning faoliyatida
turlicha cheklovlarni belgilaydi. Masalan AQShda ayrim shtatlarda foydali
qazilmalarga chet el kapitalini jalb etish man etilgan bo‘lsa, ayrim shtatlarda yer
uchastkasini sotib olishda cheklovlar belgilangan. Biroq, Jahon tajribasi
ko‘rsatmoqdaki, ko‘pgina davlatlarda hududiy investitsiya siyosatidagi moliyaviy-
81
iqtisodiy imtiyozlarning va yengilliklarning berilishi hududlarning iqtisodiy
rivojlanishlariga zamin yaratmoqdalar.
Respublikamizda ham viloyatlarning, tumanlarning investitsion faoliyatdagi
faolligini va mustaqilligini oshirish hududlarga chet el investitsiyalarini jalb
etishda bir muhim mezon bo‘lishi mumkin.
Jahon amaliyotida investorlarning manfaatlarini himoya qilish va kafolatini
ta‘minlashning quyidagi usullaridan foydalaniladi: milliy qonuniyatlarning chet el
investorlariga nisbatan mos me‘yorlarini qabul qilish; ko‘p tomonlama
shartnomalarning me‘yorlarini muvofiqlashtirish; kapital qo‘yilmalarni o‘zaro
himoyalash
va
rag‘batlantirish bo‘yicha davlatlararo ikki tomonlama
shartnomalarni muvofiqlashtirsh; aniq olingan investitsiya loyihalari bo‘yicha
davlatlararo va xorijiy investorlar bilan kelishuvnomalarni muvofiqlashtirish.
Respublikamizda bu qayd qilingan usullarning barchasidan foydalanilsada, lekin
bizning fikrimizcha etarli darajada emas.
Yuqorida
qayd
etganimizdek,
bizning
fikrimizcha,
respublikamiz
investitsiya faoliyatida mahalliy hokimiyatlarning mustaqilligini va rolini oshirish
va maxsus investitsiyalarni rag‘batlantirishning mahalliy dasturlarini ishlab chiqish
va hayotga tatbiq etishni kengaytirish maqsadga muvofiqdir. Shuningdek
hududlarda investitsiyalarning manbasi sifatida munitsipial va korporativ
obligatsiyalarni muomalaga chiqarish va ulardan oladigan daromadlar bo‘yicha
imtiyozlarni belgilash investitsiya oqimini ko‘paytirishga olib kelishi mumkin.
Investitsiya loyihalarini xorijiy investorlar ishtirokida investitsiyalashni
tashkil etish quyidagi yo‘nalishda bo‘lgani maqsadga muvofiqdir:
- xorijiy investorning loyihani realizatsiya qilishdagi mas‘uliyatini
kuchaytirish, ularning loyihani boshidan oxirigacha milliy investorlarning
ulushidan kam bo‘lmagan miqdorda kapitali bilan samarali ishtirok etishini
ta‘minlash va bunday mas‘uliyat va majburiyatlar me‘yoriy hujjatlarda, jumladan
shartnomada qat‘iy qilib belgilanishi va amal qilishi kerak;
- O‘zbekistan sharoitida ilg‘or va zamonaviy uskuna va texnologiya
ehtiyojni hisobga olgan holda xorijiy investorlarni uz texnologiyasi va uskunalarni
82
o‘zlashtirish tajribalarini milliy kadrlarga o‘rgatish zimmasini yuklash va ularning
bunday majburiyatlarni bajarishga mafaatdorligini oshirish zarur;
- investorlar manfaatlarining bir biriga mos kelmasligi, ya‘ni xorijiy
investorlarning maqsadi yuqori darajada foyda olish, o‘zbek investorlari esa foyda
olish bilan birga ilg‘or texnologiya va ish tajribasiga ega bo‘lish ekanligini hisobga
olgan holda loyihani realizatsiya qilmasdanoq shartnomada tomonlarning ulushi
qanday valyutada, qanday o‘lchov birligida baholanishi, foydani taqsimlash tartibi
aniq va qat‘iy belgilanishi maqsadga muvofiqdir.
Xorijiy investitsiyalar ishtirokidagi qo‘shma korxonalar iqtisodiyotini
o‘rganishdagi xorij tajribalari quyidagi holatlarga befarq bo‘lmaslikni talab etadi:
xorijiy
investitsiyalardan
olingan
daromadning
katta
qismi
qayta
investitsiyalanmay, korxonalarning xorijiy hamkor-egalari orasida taqsimlanishiga;
xorijiy investitsiyalarning tarmoqlar bo‘yicha taqsimlanishida asosan kapital tez
aylanadigan sohalarga kiritishga moyilligiga; xorijiy investorlar resurslarni bozor
infratuzilmasi yaxshi rivojlangan, aholisi to‘lovga qodir bo‘lgan markazlar hamda
xom ashyo mintaqalariga joylashga intiladi.
|