|
Mavzu bo’yicha nazorat savollari?
|
| bet | 15/71 | | Sana | 24.02.2023 | | Hajmi | 9.08 Mb. | | #43395 |
Bog'liq a41f4405bf5212879f03b4e20f31e1c0 KIYIMLARNI LOYIHALASH VA MODELLASHTIRISH Методичка 1й курс, Besh tashabbus, ish reja yangi matematika tug\'risi, Mexatronika fani haiqda umumiy ma’lumot. Mexatronikaning maqsad -fayllar.org, 2-Mavzu. Mexatronika va robototexnika asoslari haqida tushunchal, Mexatronika va mikrokontrollerlar haqida, Mexatronika va robotlarn-kompy.info, X. N. Nazarov robotlar va robototexnik tizimlar, Amaliy mashg’ulot №1 avtomatlashtirilgan zamonaviy mexatronika v, 1-Doiraviy elastik sterjenning buralma tebranishi masalasi, Parametric Random Excitation of a Damped Mathieu Oscillator, 5-son aniq-2021 (2)Mavzu bo’yicha nazorat savollari?
1). Kiyimlarni loyihalash asoslari qaysi masalalarni o’z ichiga oladi?
2). Odam skeletining asosiy qismlarini ayting.
3). Umurtqa pog’onasining tuzilishini ayting.
4). Gavdaning antropometrik nuqtalari deganda nimani tushunasiz?
5). Kiyimlarni loyihalashda ishlatiladigan o’lchov turlarini ayting.
2-amaliy mashg’ulot. Kiyimlarning sinflanishi va unga qo’yiladigan talablar.
Reja:
1). Zamonaviy kiyimlar assortimenti.
2). Mod ava uning jamoatchilik tarzida vujudga kelishi, moda to’g’risida tushuncha.
3). Kiyimga qo’yiladigan talablar.
1). Zamonaviy kiyimlar assortimenti. Тikuvchilik sanoatida qabul qilingan kiyimlarning sinflanishi uning vazifasini aniqlab beruvchi himoya funksiyasi belgisiga ko‘ra aniqlanadi. Bu belgiga ko‘ra kiyimlarni 3 ta sinfga bo‘lish mumkin:
— maishiy kiyimlar;
— sport kiyimlari;
— ishlab chiqarish kiyimlari.
Maishiy kiyimning vazifasi odam organizmini iqlimiy ta’sirlardan himoya qilishdir. Sport kiyimlari sportchining tanasini turli xil shikastlardan saqlash bilan birga, uning sport sohasida katta yutuqlarga erishishi uchun zamin tayyorlashdir. Ishlab chiqarishga oid kiyimlar odamni nafaqat iqlimiy ta’sirlardan, balki ishlab
chiqarish ta’sirlaridan muxofaza qilishdir. Bu kiyim sinflari o‘z navbatida kichik sinflarga, turlarga, guruh va kichik guruhlarga bo‘linadi. Ayniqsa, maishiy kiyimlar sinfi ko‘p sonli bo‘lib, ular o‘z navbatida foydalanish sharoitiga qarab quyidagi kichik sinflarga bo‘linadi:
— ich kiyimlar;
— ko‘ylak-kostyumlar;
— ust kiyimlar (palto, kalta paltolar, plashlar, kurtka va
hokazo);
— korset buyumlari;
— bosh kiyimlar (kepka, furajka, beretka, shapka, shlyapa,
panama va hokazo);
— turli xil qo‘lqoplar.
Har bir kichik sinf o‘z navbatida yana turlarga bo‘linadi. Masalan, ko‘ylak-kostyumli kichik sinflar guruxi quyidagi turlarga bo‘linadi:
pidjaklar, jaketlar, kurtkalar, jiletlar, shimlar, ko‘ylaklar, yubkalar va hokazo.
Jins va yosh alomatlariga ko‘ra kiyimlarni quyidagi guruhlarga: erkaklar, ayollar va bolalar kiyimlariga ajratiladi. Bolalar kiyimi yoshiga ko‘ra o‘z navbatida quyidagilarga bo‘linadi:
— chaqaloqlar kiyimi;
— yasli yoshidagi o‘g‘il va qiz bolalar kiyimi;
— maktabgacha yoshdagi bolalar kiyimi;
— maktab yoshidagi bolalar kiyimi;
— o‘smirlar kiyimi.
Kiyimlar yilning qaysi faslida kiyilishiga qarab: yozgi, qishki, bahorgi-kuzgi kiyim turlariga bo‘linadi. Bu kiyimlar qayerga kiyilishiga qarab quyidagilarga:
— kundalik kiyim;
— uy kiyimi;
— tantanali kiyim;
— ish kiyimlariga ajratiladi.
Sport kiyimlari sinfi sport turiga qarab kichik sinflarga, yosh va jins alomatlariga qarab guruhlarga bo‘linadi. Ishlab chiqarish kiyimlari esa vazifasiga ko‘ra quyidagi 3 ta kichik sinflarga bo‘linadi:
— maxsus kiyimlar;
— forma kiyimlari;
— texnologik kiyimlar.
Maxsus kiyim — odamni zararli muhitdan (mexanik ta’sirlardan, past va yuqori haroratlardan, radioaktiv moddalardan, rentgen nurlaridan, kislota, ishqor, yog‘ va h.k. ta’sirlardan) muxofaza qiladi va kishining ish qobiliyatini saqlashga yordam beradi. Maxsus kiyimlar maishiy kiyimlarga o‘xshab o‘z navbatida guruhlarga
bo‘linadi. Ularga kurtkalar, shimlar, kombenizonlar, plashlar va hokazolar kiradi.
Forma kiyimlari — temir yo‘l ishchilari, harbiylar, aviasiya, daryo va dengiz xodimlari va boshqalar uchun tikiladi. Ularga shinel, palto, kitel, shim, kostyum, kuylak, ich kiyim va boshqalar kiradi.
Тexnologik kiyim — tibbiyot va yuqori aniqlikni talab qiladigan ishlab chiqarishda odamni mehnat predmetlaridan muhofaza qilish uchun mo‘ljallangan kiyimlar hisoblanadi. Ishlab chiqarish kiyimlari ham maishiy kiyimlar singari yilning qaysi faslida kiyilishiga qarab: yozgi, qishki, bahorgi-kuzgi kiyim turlariga bo‘linadi.
|
| |
