Pedagogika malaka – muayyan toifadagi vazifalarni hal qilish
imkoniyatiga ega bo’lgan mutaxassisning kasbiy pedagogik
tayyorgarligi darajasi va turi.
Pedagogik mahorat – pedagogik jarayonni bilish, uni tashkil eta
olish, harakatga keltira olish (A.S.Makarenko), pedagogik jarayonning
yuqori samaradorligini ta’minlovchi shaxsning ish sifati va xususiyatlari
sintezi.
Pedagogik texnologiya – “ishlab chiqarish” natijasi “mahsuloti” –
ma’lum malakaga ega bo’lgan mutaxassis tayyorlash uchun ilmiy
asoslangan didaktik jarayonni amalga oshirish, ya’ni o’qitish jarayonini
qo’yilgan maqsadga ko’ra izchil ketma- ketlikka turli vosita, metodlarni
qo’llash orqali samarali ta’lim natijasiga erishishning ishonchliligini
ta’minlovchi, kafolatlovchi pedagogik faoliyat.
Pedagogik faoliyat – ta’lim maqsadlarini amalga oshirishga
qaratilgan ijtimoiy faoliyatning alohida turi.
Ratsionalizatsiya – metodlarni yoki biror ish-harakatni
takomillashtirish.
Ta’lim dasturi – o’quv fanlarining bakalavriat yo’nalishlari yoki
magistratura mutaxassisliklariga qo’yiladigan malaka talablariga
muvofiq kadrlarning zaruriy va yetarli darajada tayyorgarligini
ta’minlovchi bloklarga jamlangan ro’yxati.
Ta’lim maqsadi – ta’lim berishdan ko’zlangan muddao.
Ta’lim mazmuni – o’qitish jarayonida egallash lozim bo’lgan
bilim, ko’nikma, malakalar ma’nosi, hajmi va xarakteri.
Ta’lim sifatini nazorat qilish – o’qitish mazmuni va
natijalarining davlat ta’lim standartlari talablariga muvofiqligini
tekshirish.
209 Faoliyat – 1) ongli maqsadga ko’ra boshqariladigan kishining
ichki ruhiy, tashqi jismoniy faolligi; 2) atrof – muhitni kishilar
tomonidan maqsadga muvofiq qayta bunyod etish.