4
Buning uchun har bir ma’ruza oxirida mustaqil о‘qish uchun
savollar keltirilgan. Ma’ruzalar ketma-ketligi о‘qituvchining
xohishiga kо‘ra almashtirishi mumkin. O’quv qo’llanmada talabalar
biologiya о‘qitish metodikasi bо‘yicha hozirda ma’lum bо‘lgan qonun
va qonuniyatlar, qoidalar va tadqiqotlar natijalari bilan tanishib
qolmay, balki hali yechilmagan, hal qilinishi zarur bо‘lgan muammolar
bilan ham tanishadilar va bu о‘z navbatida ushbu sohaga yangi, yosh
iqtidorlarni kirib kelishiga yо‘l ochadi. Bizning kelajagimiz,
xalqimiz va davlatimiz kelajagi yoshlarimizning qо‘lidadir.
Mazkur o’quv qo’llanma 2018-yilda ishlab chiqilgan 5140100-
biologiya ta’lim yo’nalishi bakalavriat talabalari uchun malaka talablari
va o’quv rejasi, dasturi asosida yozilgan. Qo’llanma kadrlar tayyorlash
milliy dasturi, ta’lim to’g’risidagi qonunlarga asoslanib yozilgan.
Darsliklar, o’quv qo’llanmalar, monografiyalar, ilmiy-ommabop
kitoblar, ilmiy jurnallarda chop etilgan maqolalardan foydalanildi.