| Tuuri titrleu usili. O`lsheu kolbasinda tayarlang`an analiz qilinip atirg`an eritpeden pipetka jardeminde belgili kolem o`lshep alinadi, Ol konus ta`rizli kolbada komplekson III tin` isshi eritpesi menen titrlenedi. Bunda titrlenetug`in eritpenin` ortasi siltili boliui kerek.
Magniy, kalptsiy, strontsiy, bariy, tsink, kobalt, nikel, mis, temir (III) siyaqli kationlardi aniqlauda kompleksan III menen tuuri titrleu usilinan paydalaniladi.
Keri titrleu usili. Eger metal ionin aniqlau ushin aqirg`i tochkada ren`in o`zgertiui indikator belgisiz bolsa, ol halda komplekson III penen keri titrleu metodinan paydalaniladi. Bunin` ushin tekserilip atirg`an eritpiye komplekson III tin` standart eritpesinen belgili ko`lem qosiladi. Payda bolg`an aralaspa qizdiriladi. Jay temperaturasina deyin suuitiladi. Kompleksonnin` artip qalg`an mug`dari magniy sulfat eritpesi menen titrlenedi. Ekvivalent tochkani aniqlauda magniy ioni menen ta`sirlesiushi qa`legen indikatordan paydalaniladi.
Orin basiushini titrleu usili. Magniy kationi komplekson III menen basqa kationlarga salistirmali turaqsiz kompleks payda qiladi. Eger eritpeda kaltsiy kationlari bar bolsa, og`an magniyli kompleks ta`sir ettirilgende almasiu reaktsiyasi payda boladi:
Ca+2+Na2[MgTr] = Na2[CaTr] + Mg+2
Ximiyaliq reaktsiya natiyjesinde ajiralip shig`ip atirg`an Mg+2 ionlarin qara xromogen indikatori qatnasinda komplekson III menen titrleu arqali tekserilip atirg`an eritpedagi Ca+2 kationlarinin` kontsentratsiyasin esaplap tabiu mu`mkin.
Alkalimetriyaliq titrleu usili. Bul metodta komplekson III menen kationlar o`z-ara ta`sirleskende ajiralip shig`atug`in ekvivalent mug`dardagi N+ ionlari kontsentratsiyalarinan paydalaniladi: eritpeni qa`legen kislotali-tiykarli indikator qatnasinda siltinin` standart eritpesi menen titrleu arqali (alkalimetriyaliq usil) vodorod ionlarinin` kontsentratsiyasi aniqlanadi, son` og`an ekvivalent metall ioninin` kontsentratsiyasi esaplanadi.
| 