Qurilma va jihozlarni nazorat qilish

Payvand birikmalarining sifati ko‘p jihatdan payvandash qurilmasining soz ishlashiga bog‘liq. Nazorat qilishning mazkur turining maqsadi va vazifasi har bir apparat yoki mashinaning pasporti ma’lumotlariga muvofiq payvandlash qurilmasini ish holatida saqlanishni ta’minlash. YOyli payvandlash uchun mashina va apparatlar yoyning barqaror yonishni payvandlash rejimini sozlashning talab qilingan aniqligi va to‘g‘riligini ta’minlash kerak. Bu parametrlar har safar qurilmani ishga tushrishdan oldin va ishlab chiqarish jarayonida sinchklab tekshirilishi kerak. Gaz bilan payvandlashda gaz bilan ta’minlash manbaalarni tekshirish birinchi darajali ahamiyatga ega. Masalan, atsetsilenli gazogeneratorlarni ishlanishi nazorat qilish toza va quruq gazni normal temperaturada va o‘zgarmas bosimda uzatib turilishini ta’minlashga qaratilgan. Buning uchun gaz magistrallari, suv to‘siqlari va bosim sozlagichlari tekshiriladi. Gorelkalarning ventil va shlanglarga zich ulanishini doimiy tekshirish zarur. Ortiqcha kislorod yoki yonilg‘i gazni uzatishga yo‘l qo‘yilmaydi. Reduktorlarning ishlashini nazorat qilishda ishchi bosimning doimiyligiga, ularning sozlashga sezgirligiga, o‘tkazish qobiliyatiga va muzlashga qarshi chidamliligiga diqqatni qaratish zarur. Nazorat-o‘lchov asboblari ularng ko‘rsatishlarini namunaviy asboblar va o‘lchash vositalarining ko‘rsatishlari bilan taqqoslab tekshiriladi. Payvand birikmaning sifati ko‘p jihatdan foydalanilayotgan maxsus asbob va moslamalarning sifatiga bog‘liq. Yig‘ish moslamalari talab qilingan mustaxkamlik va qattiqlikni, payvand konstruksiyasi elementlarining aniq, tez va ishonchli maxkamlanishini; payvandlanayotgan detal, uzel, buyumning barcha o‘lchamlarining zarur aniqlik darajasini, payvandlanayotgan ob’ektni payvandlash uchun qulay holatga o‘rnatishni va hokazolarni ta’minlash kerak.