• Ish jarayonida nazorat olib borish
    		•

    Ish jarayonida nazorat olib borish




    Download 6,08 Mb.
    Pdf ko'rish
    bet57/199
    Sana15.05.2024
    Hajmi6,08 Mb.
    #236514
    1   ...   53   54   55   56   57   58   59   60   ...   199
    Bog'liq
    cd883c79-a213-43a7-8439-ed35aa505978

    Ish jarayonida nazorat olib borish
    . Ishlashga ijozat berilganidan so‘ng, brigada 
    a’zolari tomonidan xavfsizlik talablarini bajarilishi ustidan nazorat ishboshiga yuklatiladi. 
    U, iloji boricha xavfi ko‘proq bo‘lgan ish bajarilayotgan joydan, ishlayotgan barcha 
    brigada a’zolari ishini nazorat qilish imkonini topishi lozim. Nazorat qiluvchiga, brigada 
    a’zolarini nazorat qilishdan tashqari, boshqa biror ishni o‘rindoshlik yo‘li bilan bajarishi 
    man qilinadi. Mabodo, ishboshi ish joyidan vaqtincha ketishi zarur bo‘lib qolsa, uning 
    o‘rniga ish rahbari, ishga ijozat beruvchi yoki naryad berish huquqiga ega bo‘lgan 
    xodimga beriladi, almashtirish imkoni bo‘lmasa, ishboshi brigadani ish joyidan chiqarib 
    yuborishi shart (taqsimlovchi uskuna joylashgan hududdan ular chiqarilib, xodimlar 
    elektr tarmog‘i tayanchidan tushiriladi, eshiklar qulflanadi va hokazo). Ishboshi 
    almashtirilganda, u naryadni o‘z o‘rniga vaqtinchalik qoldirilgan xodimga berib ketishi 
    kerak. 1000 V kuchlanishgacha bo‘lgan elektr uskunada farmoyish bilan ish 
    bajarilayotgan bo‘lsa, ishboshining qisqa muddatga ketishiga ruxsat beriladi. Bunday 
    paytda brigadaning elektr xavfsizligi bo‘yicha guruhi III bo‘lgan bir yoki bir necha 
    a’zolari ish joyida qolib ishni davom ettirishlari mumkin. 52 Ishboshining ruxsati bilan 
    brigada a’zolaridan biri yoki bir nechtasi ish joylaridan vaqtinchalik ketishlari mumkin. 
    Bunda, ularni brigada tarkibidan chiqarish talab qilinmaydi. 1000 V kuchlanishdan 
    yuqori bo‘lgan elektr uskunada ish joyida qolgan brigada a’zolarining soni, ishboshi bilan 
    hisoblanganda ikki kishidan kam bo‘lmasligi kerak. Elektr xavfsizligi bo‘yicha III guruhi 
    ega bo‘lgan brigada a’zolari taqsimlovchi uskuna joylashgan xonadan mustaqil chiqib, 
    yana ish joyiga qaytib kelishi mumkin. I va II guruhga ega bo‘lgan brigada a’zolari esa, 
    faqat III guruhga ega bo‘lgan brigada a’zosi yoki elektr uskunaga yakka o‘zi kirib chiqish 
    huquqiga ega bo‘lgan shaxs hamrohligida chiqib, yana ish joyiga qaytib kelishlari 
    mumkin. Taqsimlovchi uskunalar joylashgan xonadan chiqib ketishda eshikni ochiq, 

    qulflamagan holda tashlab ketish man qilinadi. Ishga qaytgan brigada a’zolari faqat 
    ishboshining ruxsati bilan ishga tushishlari mumkin. Agar elektr uskuna joylashgan 
    xonani qulflashni iloji bo‘lmasa, ishboshi qaytguniga qadar brigada a’zolari ish joyini 
    tashlab ketishga haqlari yo‘q. Amaldagi talablarni buzish hollari aniqlanganda yoki 
    ishlayotgan ishchilar hayotiga xavf tug‘diruvchi holat sezilganda, darhol brigada ish 
    joyidan chiqarilishi va ishboshidan naryad olib qo‘yilishi kerak. Aniqlangan kamchiliklar 
    bartaraf qilingandan so‘ng, birinchi bor ishga ijozat berish qoidasi talablarini bajargan 
    holda, yangidan ishga qo‘yish mumkin.

    Download 6,08 Mb.
    1   ...   53   54   55   56   57   58   59   60   ...   199




    Download 6,08 Mb.
    Pdf ko'rish