xodimlarni mosligini birma-bir shaxsiy guvohnomalariga qarab tekshirish kerak; -
yo‘riqnoma berish (brigadani naryad va farmoyish mazmuni bilan tanishtirish); - ish
joyining chegarasini ko‘rsatish; - ish joyiga yaqin turgan, kuchlanish yo‘qligidan qat’iy
nazar, ularga yaqinlashish man qilingan joy, ta’mirlanayotgan va uning yonidagi
qo‘shilish jihozlarining tok o‘tkazuvchi qismlari, hamda uskunalarni ko‘rsatishi kerak; -
brigadaga tarmoqdagi erga ulagichlarni qo‘yish joyini ko‘rsatish bilan yoki ish joyi
ko‘rinmagan taqdirda, kuchlanish bor-yo‘qligini tekshirish bilan birgalikda, iloji bo‘lsa,
35 kV va undan past kuchlanishli elektr uskunalarda, keyinchalik tok o‘tkazuvchi qismga
qo‘l tekkizish orqali kuchlanish yo‘qligini isbotlash zarur. Brigada a’zolariga ishlashga
ijozat beruvchidan tashqari, ishboshi ham yo‘riqnoma berishi kerak. U ish bajarish
texnologiyasi, asbob-uskuna, yuk ko‘tarish mashinasi va mexanizmlardan foydalanish
to‘g‘risida yo‘riqnoma berish bilan birgalikda, ishni xavfsiz bajarish haqida ham
yo‘riqnoma beradi. Ish rahbari kerak bo‘lganda yo‘riqnomani to‘ldirishi mumkin.
Yo‘riqnoma bermasdan, brigadani ishlashiga ijozat berish man qilinadi. Brigadaga
yo‘riqnoma berish va ishlashiga ijozat berish, ishlashga ijozat beruvchi va ishboshining
imzosi bilan naryadning 3-jadvalida kuni va vaqti ko‘rsatilib rasmiylashtiriladi. Ishlashga
ijozat
berishda
o‘tkazilgan
yo‘riqnomani,
yo‘riqnoma
o‘tkazish
jurnalida
rasmiylashtirishni talab qilinmaydi. Ishlashga ijozat berish ikki nusxada naryadda
rasmiylashtiriladi. Naryadni bir nusxasi ishboshida, ikkinchisi esa navbatchi yoki tezkor-
ta’mirlash xodimdan tayyorlangan ishlashga ijozat beruvchida qoldiriladi. Ishboshi,
ishlashga ijozat beruvchi shaxs vazifasini o‘rindoshlik yo‘li bilan bajargan taqdirda,
ishlashga ijozat berish naryadning faqat bir nusxasida rasmiylashtiriladi. Farmoyish bilan
ishlashga ijozat berish tezkorlik jurnalida yoki naryad va farmoyish bilan bajarilgan
ishlarni qayd qilish jurnalida rasmiylashtiriladi (6-ilova).
