kattalashuvi, EKG da yurakning o‘ng bo‘limlari gipertrofiyasi alomatlari
kuzatilishi bilan ifodalanadi.
Yurakning chap bo‘limlari ortiqcha zo‘riqishi aorta stenozi, aorta
koarktatsiyasiga chalingan bemorlarda uchraydi. O‘ng bo‘limlar ortiqcha zo‘riqishi
o‘pka arteriyasi simptomokompleksi stenozida, yurak bo‘lmachalari
orasidagi
pardevor nuqsonida, Fallo tetradasida, magistral tomirlar transpozitsiyasida, chap
yurak gipoplaziyasida ayniqsa yorqin ifodalanadi.
O‘pka orqali qon oqimi ortishi sindromi bemorlar
tez-tez bronxitlar va
pnevmoniyalarga chalinishga moyilliklari bilan izohlanadi. Ko‘rikdan o‘tkazish
vaqtida teri qoplamalarining rangi o‘chganligi, yurak o‘rtalig‘idagi bukur, ko‘p
hollarda o‘pka arteriyasi ustida II ton aksenti, rentgenologik jihatdan – o‘pka rasmi
aniq kuchayishi kuzatiladi. Ushbu sindrom yillar davomida mavjud bo‘lishi nafas
siqilishi kuchayishida, toliqishda, muntazam ravishda sianoz (kechki sianoz) paydo
bo‘lishi va yurakning o‘ng bo‘limlari ortiqcha zo‘riqishida namoyon bo‘ladigan
o‘pka gipertenziyasi rivojlanishiga olib kelishi mumkin.
O‘pka orqali qon oqimi pasayishi sindromi sianoz erta paydo bo‘lishi
(tug‘ilishidan boshlab yoki umrining 3–4 yoshigacha), nafas siqilishi-sianotik
xurujlar mavjudligi va bola cho‘kkalab o‘tirib qolishi bilan ifodalanadi. Ko‘rikdan
o‘tkazishda tirnoq falangalari baraban tayoqchalariga o‘xshash o‘zgarishi, tirnoqlar
soat oynasi shaklida bo‘lishi, auskultatsiyada – o‘pka arteriyasi ustida II ton
kuchsizlanishi kuzatiladi. Rentgenologik jihatdan o‘pka maydonlarining shaffofligi
ortishi, yurakning chap konturi bo‘yicha ikkinchi yoy tushib qolishi,
yurakning
o‘ng qorinchasi kattalashib qolishi va EKG da uning gipertrofiyasi alomatlari
kuzatiladi.
