Fallo tetradasi. Anatomik jihatdan anomaliyalar kompleksidan iborat bo‘lib,
ulardan ikkitasi yetakchi hisoblanadi: 1 - bevosita aorta klapani ostida membrana
qismida yuqori lokalizatsiyalanganyurak qorinchalari orasidagi paradevorning
katta o‘lchamli nuqsoni; 2 – o‘pka arteriyasi klapan teshigining yoki ushbu
arteriyaning infundibulyar qismining stenozi. Teshikning aorta klapani ostida
joylashuvi aorta o‘ng yurak tomoniga ko‘chishiga yordam beradi va shunt o‘ng
qorinchadan qon to‘g‘ridan-to‘g‘ri aortaga o‘tadigan yo‘l hisoblanadi. O‘ng
qorincha doimo to‘lib ketishi uni albatta gipertrofiyaga olib keladi. Nuqsonning
bunday komponentlari o‘z vaqtida Fallo tomonidan «tetradalar» nomi ostida
ta’riflab berilgan. Bemorlar terisi sianotikligi bola tug‘ilganidan keyin shu
zahotiyoq emas, 2–3 oy o‘tgandan so‘ng rivojlanib ketadi. Xuddi shu davrda
o‘tirish va turishda harsillash-sianotik xurujlar aniqlanadi. Tibbiy ko‘rikdan
o‘tkazishda teri sianozga chalinganligini ham, barmoqlar gipoksiyaga xos «baraban
tayoqchalari» shaklida va tirnoqlar «soat oynalari» shaklida ekanligini ham
tasdiqlash mumkin. Jismoniy rivojlanganlik o‘rtamiyonadan pastroq darajada.
Yurak o‘lchamlari normalligicha qolishi mumkin, lekin o‘ng qorincha doimo
kattalashgan, o‘pka arteriyasi qismi esa tushib qoladi. Buning sababi shundaki,
rentgenologik tekshirishda yurakning shakli o‘ziga xos - «etik» shaklida bo‘ladi.
EKG tekshirishda o‘ng qorincha va yurakning o‘ng bo‘lmachasi gipertrofiyasi,
yurak o‘qi o‘ng tomonga og‘ib qolganligi aniqlanadi. Yurakning ikkinchi toni
kuchsiz bo‘lganda auskultatsiya o‘pka arteriyasining ustida faqat bitta haydalish
shovqinini aniqlaydi. Shunt shakllanishi qismida bosim o‘zgarishlari mavjud
emasligi sababli ushbu joyda hech qanday shovqinlar eshitilmaydi. Bu holda
albatta jarrohlik yo‘li bilan davolanish lozim va hozirgi vaqtda bu jarayon bir
bosqichda amalga oshiriladi.
