73
Mashg‘ulotning keyingi 30 daqiqasida o‘qituvchi tinglovchilarni akterlik va
rejissyorlik elementlari bilan tanishtirishdan boshlaydi va o‘quv jarayoni
qatnashchilarini kichik guruhlarga bo‘ladi. Har bir kichik guruhga mashg‘ulotning
ma’ruzada yoritilgan ma’lumotlar asosida ekranda o‘qituvchi faoliyati, uning
aktyorlik va rejissyorlik texnikasi, professionallikka tegishli prezentatsiyadan har
bir guruh tanlab kichik guruhlarda A-3 formatli qog‘ozda tanlangan vazifani avval
qisman yozib olib so‘ngra uni amaliy namoyish etishga tayyorlanishlari kerakligi
haqida tushuncha beradi.
Topshiriqni tinglovchilar tomonidan bajarishlari uchun tayyorlanishga vaqt
ajratadi va ularni taqdimot qoidalari bilan tanishtiradi, tinglovchilarning
tayyorlanishlari uchun sharoit yaratadi.
Guruhlar tayyorgarlikni boshlaydilar.
Keyingi bosqichda guruhlar tayyorlagan ijodiy ishlarini navbati bilan ham
yozma taqdimot, ham ijro namoyishi orqali chiqish qiladilar. O‘qituvchi guruhlar
taqdimoti uchun vaqt belgilaydi. Har bir chiqish tugagach, boshqa guruh
qatnashchilari namoyish etilgan ijodiy ishni to‘ldirishlari va mavzuga oid savollar
berishlari mumkin.
O‘qituvchi har bir guruhning taqdimoti va ijodiy chiqishlarini
umumlashtiradi, fikr almashadi va baholaydi.
Mashg‘ulotni keyingi 40 daqiqasini o‘qituvchi tinglovchilarni auditoriyani
boshqarishda diqqatni jalb etish usullari bilan ekrandagi prezentatsiya materiallari
orqali tanishtirishdan boshlaydi va o‘quv jarayoni qatnashchilarini kichik guruhlar
yoki juftliklarga bo‘ladi.
Har bir kichik guruhga diqqatni jalb etish usullariga tegishli bo‘lgan tarqatma
materiallarni (guruhlar soniga qarab) tarqatadi, ularni birgalikda to‘ldirishlari
tartiblarini tushuntiradi.
