13.4. Komanda idarə sistemləri
İdarəetmə məntəqəsindən radiokomandalar vasitəsilə mərminin kinematik trayektoriya üzərində saxlayan tuşlama komanda idarəetmə sistemi adlanır. Radiotexniki qurğuların yerləşməsindən asılı olaraq iki tip komanda idarəetmə mövcuddur: birinci və ikinci tip sistemlər. Birinci tip sistemlər hədəfin koordinatları mərmiyə nisbətən təyin edilir (şək.13.10) və ölçmənin nəticələri mərmidən idarə məntəqəsinə verilir və nəticədə idarə komandası formalaşdırılır. Komandalar ya avtomatik olaraq hesablama maşınları ilə, ya da əl ilə operator tərəfindən formalaşdırılır.
Şək. 13.10. Hədəfin koordinatlarını mərmiyə nisbətən təyin edən sistem. İEM- idarə etmə mərkəzi
Birinci tip sxemə müşahidə RLS-i, hədəfin koordinatlarını təyin edən RLS, mərminin dəqiq koordinatlarını təyin edən RLS, hesablayıcı-həlledici qurğu və komanda vericisi daxildir. Mərmini avtomatik müşayiət edən RLS istifadə edilir. Hesablayıcı- həlledici qurğu hədəf və mərminin Ani koordinatlarına əsasən onların kinematik trayektoriyalarını təyin edir, qabaqlamanı hesablayır və analoq şəklində siqnallar hasil edir. Bu siqnallar kodlanır və komanda radioxətti vasitəsilə mərmiyə verilir.
Tuşlamanın son mərhələsində komanda idarə sistemi özü-özünə tuşlama rejiminə keçməyi nəzərə alır (şək.13.11).
Şək.13.11. Özü-özünə tuşlama rejiminə keçməsi rejimi. İEM-idarəetmə məntəqəsi
Шяк. 88 Борт радиотехники комплекси
İkinci tip komanda idarə sistemində hədəfin mərmiyə nisbətən vəziyyəti bort RLS-i tərəfindən təyin edilir və koda çevrildikdən sonra radiokanal vasitəsilə idarə məntəqəsinə translyasiya olunur. Qəbuledici hədəfin vəziyyətini düzbucaqlı koordinat sistemində bərpa edir. Operator hədəf ilə mərmi arasında qalan məsafəyə nəzarət edir. Bu hal hava-yer və yer-yer mərmiləri üçün göstərilir (şək.13.10).
мярминин оху
командалар
борт
идаря
орган
БРК
İnformasiyanın radiokanallar vasitəsi ilə verilməsi üçün çoxkanallı rabitə sistemlərindən geniş istifadə edilir. Bu sistemlərdə kanallar tezliyə, zamana və məntiqə görə bir-birindən ayrılırlar.
|
