184
“Lukoyl” va Amerikaning “Konako” kompaniyasi Rossiyaning Timano-
Pechorsk neft-gaz hududida yangi neft konlarini o‘zlashtirish bo‘yicha
memorandum imzoladilar. Hozirgi vaqtda bir qator Rossiya TMKlari
(Gazprom, Lukoyl, MTS, Bilayn va hokazo) O‘zbekiston hududida ham
faoliyat ko‘rsatmoqda.
Xalqaro xo‘jalik aloqalarining TMK kabi samarali shaklining
imkoniyatlari MDH mamlakatlari kompaniyalarining moliyaviy, texnik va
ilmiy resurslarini birlashtirish uchun yana ham kengroq qo‘llanilmoqda.
Bu kabi TMKlarni tuzish uchun moliyaviy sanoat guruhlari (MSG) asos
bo‘lmoqda.
MDH
mamlakatlariga
tegishli
yuridik
shaxslarni
birlashtiruvchi bu guruhlar transmilliy MSG – TMSG sifatida ro‘yxatga
olinadi. Ular yagona texnik tuzilma, marketing, moliyaviy siyosat
o‘tkazish maqsadida tashkil etiladi. Hukumatlararo kelishuvlar asosida
TMSG tashkil etilganda ularga davlatlararo moliyaviy sanoat guruhlari –
DMSG maqomi beriladi. MDH mamlakatlarini TMKlarining millati ular
ro‘yxatdan o‘tgan joyga qarab aniqlanadi.
