Bolalar: Gerb.
3 - o`quvchi: U nimadir,uni tinglab dillar lol,
U nimadir,kuylar bizga baxt - iqbol.
U nimadir,ohangidan dillar lol,
Qani zukko,kimning javobi tayyor?
O`qituvchi: Tayyormisiz,o`g`il - qizim?
Boshlayman ustoz so`zim.
Odob boshi: - Assalom,
Ishning boshi intizom.
Oltindan qimmat duo,
Berar ta`lim – tarbiya.
Darsimiz Matematika
Matematika fani:
Fanlarning kalitidir.
Matematikasiz hayot,
Quruq cho`lning o`zidir.
Odam bo`laman desang,
Matematikani o`rgan.
Bu fan ila Ulug`bek,
Fazolarga yo`l ochgan.
III bosqich .
O`tilgan mavzuni mustahkamlash.
Uyga berilgan topshiriq, test, topshiriqlari,savol-javoblar orqali so`rab aniqlanadi.
O`qituvchi: Aziz bolajonlarim,
Shirintoy polvonlarim.
Darslikka ko`z tashlaymiz,
Yangi darsni boshlaymiz.
O`quvchilar uch guruhga bo`linadilar.
1-guruh: - “Zukkolar”
“Zukkolar” deb atadik,
Ahil guruhimizni.
Ilohim baland qilsin,
Nomus g`ururimizni.
2-guruh: - “Bilimdonlar”
Bo`laylik muruvvatli,
Bilimdon o`g`il - qizlar.
Atadik “Bilimdon” deb,
Guruhimizni bizlar.
3-guruh: - “Topqirlar”
“Topqirlar ” deb atadik,
Inoq guruhimizni.
Ilohim issiq qilsin,
Bizlarni yuzimizni.
IV bosqish.
Yangi mavzu bayoni.
Darslik bo`yicha 1043-misol ko`rinishdagi misollarni yechish qoidasi tushuntiriladi.
-
10 marta orttiring: 7, 16, 24, 30, 48, 57, 99
-
100 marta orttiring: 1, 2, 5, 6, 9, 10
-
10 marta kamaytiring: 40,70,120,500,780
-
10 marta kamaytiring:200,500,600,1000
O`qituvchi: Endi bolalar men 3 guruhga 3 ta raqam,ya`ni 4,7,12
raqamlarini beraman,sizlar bu topshiriqni “Klaster” usulida
bajarasiz.
Bajarilgan ishlar, yulduzchalar bilan ballanadi.
Shu payt eshikdan bir o`quvchi “Sehrli sandiqcha” ko`tarib kiradi.U karton qutichadan yasalgan bo`lishi mumkin.Unda darslikdagi 1044-misol yozilgan bo`lib, u 3 ta guruhga tarqatiladi. “Sehrli sandiqcha” dagi ushbu misollarni 1- bo`lib yechgan o`quvchilar g`olib bo`ladi va rag`batlantiriladi.
“Asalari galasi” texnologiyasi - asosida masala yechish.Bunda eshikdan qog`ozdan toj kiygan “Matematika saltanatining shohi” kirib keladi.
Shoh: -Assalomu-alaykum,aziz bolajonlar! Men “Matematika
saltanatining shohi” bo`laman.Sizning matematika fanidan bilimingizni tekshirishga keldim va men u yerga
odobli,zukko,bilimdon bolalarni olib borishga keldim.
(deb o`rniga o`tiradi)
O`qituvchi: “Bolajonlar ushbu saltanatga bormoqchi bo`lgan
bolalar shoh bergan topshiriqni yechishlari kerak”-
deb 3 tadan varaqqa javoblari yozilgan masalaning
qisqa sharti, 1 tasi to`g`ri yozilib va yechilgan varaqni
topishadi.
Guruhlar 1045-masalani o`qib bo`lgach, izohlab berishadi.
Bir vaqtda Urganchdan “kaptiva” avtomobili, Nukusdan esa “Lasetti” avtomobili yo`lga chiqdi. Yarim soatda “Kaptiva 53 km, “Lasetti” 58 km masofani bosib o`tdi. Urganch bilan Nukus orasi 220 km bo`lsa, yarim soatdan keyin “Kaptiva” va “Lasetti” orasidagi masofa qancha bo`ladi?
O`quvchilar tog` manzarasiga qarab turganda “Yirtqich bo`ri” kelib qoladi.
|