|
Termiz sharoitida oqova suvda suv o'simliklarini o'stirishBog'liq monograph Satorov indiya 2022 besh (1)3.2. Termiz sharoitida oqova suvda suv o'simliklarini o'stirish,
chidamlilarini tanlab olish va ularni tozalash darajalarini o'rganish
Tadqiqotlarimizda bajarilishi belgilab berilgan keyingi tajribalar Termiz davlat
universiteti Tabiiy fanlar fakulteti “Botanika” kafedrasi qoshida qurilgan maxsus
hovuzda amalga oshirildi.
Labaratoriya tekshiruvlari: suvning sifat ko’rsatkichlarini aniqlash tahlillari
Termiz shahar “O’zsuvta’minot” AJ labaratoriyasida, shuningdek, Termiz shahar
Sanitariya epidemiologiya osoyishtalik va jamoat salomatligi xizmati bo’limida
amalga oshirildi.
Oqava suvni tozalash samaradorligini oshirish uchun biotexnologik tozalash
texnologiyasini takomillashtirish asosida oqava suvga chidamli yuksak suv
o’simliklarini tanlab olish tajribalarini bajardik. Biotexnologik tozalash obyekti
sifatida oqova suvga chidamli turini tanlab olish uchun suv o'simliklari
kolleksiyasidan quyidagi turlarni (pistiya, eyxorniya, azolla, ryaska) tanladik.
Ushbu o'simliklarni Termiz shahar suv tozalash inshootidan olib kelingan 100% li
oqova suvda 5 kun o'stirdik (3.1–jadval). Shu vaqt ichida o'simliklarni kunlik
o'sish, morfologik holati va hosildorligni aniqlab bordik. Hosildorlikni aniqlash
ho'l biomassani tarozida tortish usulida olib borildi. Oqova suvni tajribadan oldin va
tajribadan keyingi fizik va kimyoviy xususiyatlari Y.Lure usuli bo'yicha olib
borildi. Tanlab olingan oqova suvga chidamli o'simlik turlarini oqova suvni tozalash
darajalarini aniqlash uchun, laboratoriya sharoitida 25 l sharsimon akvariumda
hamda nazorat varianti sifatida Tamiya mineral ozuqa muhitida suv o'simliklarini
1–hafta o'stirdik va kunlik o'sishi va morfologik holatini kuzatib bordik.
|
| |
