94
►Müxtəlif metal keçiricilərdən ibarət olan dövrədən, uzun
müddət elektrik cərəyanı keçdikdə bir metal atomunun
digərinə keçməsi müşahidə olunmur;
►Metalları yüksək temperaturlara qədər qızdıqda sərbəst
elektronların istilik hərəkəti sürəti artır, onların ən sürətli-
ləri isə səthi potensial maneəsini dəf edərək metaldan
çıxır;
►Sürətlə hərəkət edən keçiricini birdən saxladıqda ətalət
qanununa əsasən “elektron qazı” hərəkət istiqamətində
yerini dəyişir. Elektronların yerdəyişməsi, tormozlanmış
keçiricinin uclarında potensiallar fərqi yaradır;
►Eninə maqnit sahəsinə yerləşdirilmiş metal keçiricidən el-
ektronların trayektoriyasının əyilməsi nəticəsində eninə
e.h.q yaranır və keçiricinin elektrik müqaviməti dəyişir.
Lakin, sonralar klassik elektron nəzəriyyəsi ilə bəzi
təcrübi nəticələr arasında uyğunsuzluq yarandı. Bu nəzəriyyə
xüsusi müqavimətin temperatur asılılığının təcrübi nətəcilərinin
izahını verə bilmir, metalların təcrübədə tapılmış istilik tutu-
munun qiyməti nəzəri hesablanmış qiymətdən çox az olur. Bu
və digər uyğunsuzluqları kvant mexanikası ilə aradan qal-
dırmaq mümkün olur.
