410
maqsadida suv manbalaridan (daryo, ko‘l, suv ombori va yer osti
suvlari) suv olish uchun quriladigan gidrotexnika inshootlari.
Suv ombori
– daryo, soylar suv oqimlarini qayta rostlash va
yig‘ish uchun to‘g‘onlar qurish asosida tashkil qilinadigan sun’iy
suv havzasi.
Suv resurslari
– yer usti va yer osti suvlarining insonlar
foydalanishi uchun yaroqli bo‘lgan qismi.
Suv-tuz almashinuvi
– inson va hayvonlar organizmlarida,
o‘simliklar organlarida suv va tuzlarning qabul qilinishi,
so‘rilishi, taqsimlanishi, ehtiyoji hamda ajralishi bilan bog‘liq
jarayonlar majmui.
Suv xo‘jaligi
– iqtisodiyot tarmog‘i; suv resurslarini
o‘rganish, hisobga olish, undan kompleks foydalanishni
rejalashtirish, sug‘orish tizimlarini ekspluatatsiya qilish, yer osti
va yer usti suvlarini ifloslanishdan, tugab qolishdan saqlash,
shuningdek, suvni iste’molchilarga taqsimlab, yetkazib berish
bilan shug‘ullanadi.
Suvchi, irrigator
– suv resurslarini iste’molchilarga,
xususan qishloq xo‘jalik ekin maydonlariga yetkazib, taqsimlab
beruvchi kasb egasi.
