239
Tannarxni kamaytirish. Paketli uzatish IP protokol yordamida nutqli
trafik va ma’lumotlarni kamaytirib operatorlar uchun tannarxni tushirishdi.
Softswitch texnologiya UFTf arxitekturasini paketli kommutatsiya
sohasiga ko‘chirish bilan IP - telefoniya imkoniyatlarini yaxshilash
imkonini beradi. Ushbu ikki omil xarajatlarni kamaytirish imkoniga ega.
Foydalanuvchi uchun afzalliklar
Softswitch modeliga asoslangan xizmatlarning oxirgi foydalanuvchisi
uchun kanallarni kommutatsiya qilishda bajarish mumkin bo‘lgan
nazoratning yangi darajasini taqdim etadi. Masalan, foydalanuvchilar
chaqiruvlarni ofisga, uyga yoki mobil qurilmaga kunning istalgan vaqtida
yuborish imkoniyatiga ega. Ular yana muhim ma’lumotlar, trevoga signali
yoki ishchi sohada amaliy dasturlardan axborotni operativ olishi mumkin.
Softswitch xizmatlarni yaratish sohasiga foydalanuvchi uchun quyidagi
afzalliklarni taqdim etish imkoniga ega:
Shaxsiy xizmatlar. Softswitch modeli moliyaviy va texnik nuqtai
nazarda oddiy bo‘lmagan foydalanuvchilarning talablariga operatorlarning
javob berish imkoniyatini beradi. Foydalanuvchilar uchun bu hayot tarzi
va ehtiyojlariga mos keladigan ko‘plab xizmatlardan foydalanish
imkoniyatiga ega ekanligini bildiradi.
Qulaylik va nazorat. Ushbu texnologiyaning natijasi bo‘lib vaqt
bilan hamnafas foydalanuvchilar uchun ko‘p qulayliklar va nazoratni taklif
eta oladigan xizmatlarni yaratish hisoblanadi. Softswitch modeli
yordamida operatorlar xabarlarni bir xil uzatish, foydalanuvchilarga
qanday, qaerda va qachon muloqotda bo‘lishni tanlash imkonini beradigan,
axborotdan mobil foydalanish kabi, xizmatlarni yaxshilash imkoniga ega
bo‘ladi.
NGN rejalashtirish. Bir necha yillik bashoratlarga ko‘ra, xizmatlarni
intensiv yaratish va texnologik yaxshilash vaqti bo‘ladi. Softswitch
modelini qabul qilgan operatorlar foydalanuvchilarga IP texnologiyasiga
asoslangan yangi xizmatlardan shunchalik tez foydalanishni taqdim etishi
mumkin.
