|
Sut va sut mahsulotlari Reja: Kirish Asosiy qism
|
| bet | 4/13 | | Sana | 30.05.2024 | | Hajmi | 124,58 Kb. | | #257992 |
Bog'liq Uljan Aytjanova Sutni tozalash usullari. Qabul qilingan sut tabiiy chiqindilar va mexanik iflosliklarni yo’qotish maqsadida tozalanadi. Bunday tozalash og’irlik kuchi yoki bosim va markazdan qochma kuchlar yordamida harakatlanuvchi separator-sut tozalash jihozlarida olib boriladi. Suyuqlik filtr to’siqlaridan o’tgach, bu to’siqlarda sut tarkibidagi chiqindilar ushlab qolinadi. Shuning uchun har 15-20 daqiqadan so’ng filtrdagi chiqindilar olib tashlanadi. Sutni mexanik chiqindilardan tozalash uchun bosim ostida ishlaydigan sut tozalash apparatlari qo’llaniladi.
Sutni sovitish. Korxonaga kelib tushgan sut harorati 10 °C gacha bo’ladi. Yangi sog’ilgan sutdagi antibakteritsid moddalar yuqori haroratga chidamsiz bo’ladi. Agar sut tezda sovitilmasa ular oson yo’qoladi. Natijada sovitilmagan sutda uni achitishga olib keluvchi mikroorganizmlar tez ko’payadi. Shuning uchun korxonaga keltirilgan sutni sovitish maqsadga muvofiqdir.
32 °C haroratda 10 soat ichida sutning kislotaliligi 2,8 baravar oshadi va bundagi bakteriyalar soni shuncha ko’payadi. Harorati 12 °C gacha sovitilgan sutda 10 soat davomida kislotalilik va bakteriyalar soni o’zgarmaydi. Shuning uchun sut sifati pasayishining oldini olish maqsadida u 4-5 °C haroratgacha tezda sovitiladi. Sutni sovitish uchun plastinkali sovitgich qo’llaniladi. Bunda sovituvchi sifatida tuzli eritma yoki sovuq suvdan foydalaniladi.
Sutni separatlash. Qabul qilingan sut tarkibidagi yog’ miqdoriga qarab har xil bo’ladi. Sut o’ta yog’li, o’rtacha yog’li yoki yog’siz bo’lishi mumkin. Sut tarkibidagi yog’ miqdorini me'yorlashtirish maqsadida unga mexanik ishlov beriladi. Ya'ni, sut tarkibidagi yog’ni ajratib olish uchun separatordan o’tkaziladi va bu yog’ sharchalarini yanada kichik zarrachalarga parchalash maqsadida gomogenizatsiyalanadi.
Separatlash - bu sutni zichligi turlicha bo’lgan ikki: yuqori yog’li (qaymoq) va yog’i past (yog’siz sut) fraksiyalarga ajratish demakdir. Sutni separatlash separatorqaymoq ajratuvchida olib boriladi. Sut 45-50 °C haroratda separatlanadi. Separator barabanining aylanishi natijasida hosil bo’lgan markazdan qochma kuch ta'siri ostida sut plazmasidan yog’lar ajralib chiqadi. Maxsus mexanizm yordamida ajratilgan qaymoq va yog’sizlantirilgan sut separatordan chiqariladi.
Sutni yog’sizlantirish darajasi quyidagi omillarga bog’liq:
- sut qancha toza va yangi bo’lsa, sut tarkibida mexanik chiqindilar qancha kam va kislotaliligi qancha past bo’lsa, separator shuncha yaxshi ishlaydi;
- yog’ sharchalarining o’lchami qanchalik kichik bo’lsa, sutdan shuncha ko’p qaymoq ajratib olish mumkin;
- sut separatlash uchun optimal 45-50 °C haroratga ega bo’lishi kerak;
- barabanning aylanish chastotasi bir xilda bo’lishi kerak;
- sut tarkibida qancha ko’p yog’ bo’lsa, separatlash natijasida shuncha ko’p qaymoq ajratib olinadi.
|
| |
