Kimyoviy texnologiyaning jarayonlari va qurilmalari
- 17 -
cho’kmani to’kishiga qarab - qo’lda to’kadigan, gravitatsion, markazdan qochma va
uzilib - uzilib to’kadigan tsentrifugalarga bo’linadi.
Davriy ishlaydigan fil’trlovchi tsentrifugada suspenziya
baraban tepasidan
yuklanadi (16-rasm). Suspenziya yuklangandan so’ng baraban harakatga keltiriladi,
ya’ni aylantirib boshlanadi. Markazdan qochma kuch ta’sirida suspenziya baraban
devoriga uloqtiriladi. Suyuq dispersion faza fil’tr to’siq orqali o’tadi, cho’kma esa
unda ushlanib qoladi. Fil’trlash tsikli tugaganda so’ng, cho’kma qopqoq 3 orqali qo’l
yordamida olib tashlanadi.
Cho’kmani o’zi to’kadigan tsentrifugada cho’kma gravitatsion kuch ta’sirida
qurilmadan chiqarib yuboriladi (17-rasm).
Odatda bunday tsentrifugalar teshikli baraban o’rnatilgan vertikal o’qli qilib
yasaladi. Baraban kichik chastota bilan aylanganda
suspenziya yuklovchi diskka
beriladi. Barabanning pastki qismi konussimon shaklda bo’lib, konuslik burchagi
cho’kmaning tabiiy qiyalik burchagidan ortiq qilinadi. Fil’trlash tsikli tamom
bo’lganda va baraban to’liq to’xtaganidan so’ng og’irlik kuchi ta’sirida cho’kma
baraban devoridan sirpanib tushadi va qurilma tubidagi shtutser orqali chiqariladi.
