-Manngeym və Bad-Kanştatt -işləyirdilər.
Hər ikisi 1885-ci ildə iş qabiliyyətli özüyeriyən araba
düzəltdilər və uyğun patentləri aldılar:
Bens - «Qaz mühərrikli ekipaj» üçün,
Daymler - «bir
koleyalı ekipaj» üçün 1886 - cı ildə isə dörd təkər ekipaj üçün.
Onların yaratdıqları avtomobil firmaları XX əsrin 20-ci illərində qovuşdular. Lakin həyatda
ikən onlar bir - biri ilə tanış deyildilər. Bensin düzəltdiyi
iki yerlik
maşının təkərləri velosiped təkəri, kuzası isə boru şəkilli çərçivə
formasında idi. Yeddi il ərzində Bens özünün üçtəkər arabasını
istehsal
etdi. Üçtəkər «Bens»in təkmillik dərəcəsini nümayiş etdirmək üçün frau
Berta Bens ərindən xəbərsiz, iki oğlu ilə birlikdə uzunluğu 180 km-ə
bərabər ilk uzaq avtomobil yürüşünə çıxdı. Cəsur qadın yolda tormozların dərisini kənd
çəkməçisində dəyişdirmiş, uzanmış ötürücü zənciri dəmirçinin köməyi ilə qısaltmış,
elektrik
naqilini çorabbağı ilə izolə etmiş və yanacaq verici borunu şlyapa sancağı ilə təmizləmişdi. Onlar
benzini apteklərdən (o zamanlar benzin dəri xəstəliklərinin dərmanı kimi istifadə olunurmuş) və
bakkal dükanlarından alırdılar.
Daymlerin ilk maşını iki təkərli olub «motorlu velosiped»ə oxşayırdı, ikinci maşın isə
avtomobilə çevrilmiş dörd təkərli at faytonu idi. Bu maşında hətta
qırmanc kronşteyni də saxlanmışdı. O vaxtlar avtomobilçilər
avtomobil işləməyən vaxt itləri qovmaq üçün qamçıdan istifadə
edirmişlər.
Bens və Daymlerin «Atsız ekipajları» öz vətənlərində tətbıq
tapmadı. Benzin buxarlarının mühərrikdə partlamasından yaranan səs-küy şəhərliləri
qorxudurdu. Alman qəzetləri yazırdı ki, «Benzin arabasının bütün dünyanı təhlükəyə salmasına
polis imkan verməməlidir». İxtiraçılar öz patentlərini Fransaya satdılar, məhz buna görə də uzun
müddət Fransa aparıcı avtomobil ölkəsi oldu. Bens və Daymlerin patenti ilə düzəldilmiş
avtomobillər bazara fransız fabrikantlarınm markası ilə çıxırdı (ən güclü firma"Panhard et
Levassor" idi). İngilis və amerikan maşınları isə XIX əsrin son illərində buraxılmağa başladılar.
