tayanadigan an’anaviy analitik kimyo bizga tezkor
natijalarga muxtoj ishlab
chiqarish va atrof-muhit ehtiyojlariga tez javob berish imkonini bermadi.
Bugungi kunda, inson salomatligi uchun xavfsiz deb hisoblangan er osti
manbalaridan olinadigan suv ham zararli elementlarni o’z ichiga olishi mumkin
(Mullaboev, 2010,
Tornqvist et al. 2011
). Ichimlik suvidagi marganets, bariy, xrom,
selen, margimush, radiy, uran va boshqa ko’plab zararli aralashmalar salomatlikka
sezilarli zarar yetkazishi mumkin. Faqat suv sifati ekspress-tahliligina siz
foydalanadigan suv xavfsiz ekanligi haqida tezkor ishonchli ma’lumot berishi
mumkin. Zamonaviy ekspress suv analizatorlari - suv muhitida erigan temir va
boshqa aralashmalar ulushini hisoblash va tozalashning
optimal usulini aniqlash
uchun ishlatilishi mumkin bo’lgan murakkab qurilmalardir. Ichimlik suvi, suzish
havzalari va akvariumlar uchun suv, hatto maysazorni sug’oradigan suv, yuvinish
suvi, havoni namlantirish asboblarida ishlatiladigan suv - bugungi kunda ularning
barchasida xavfli aralashmalar va patogen mikroflora bo’lishi mumkin. Kelajakdagi
aholi yashash manzili uchun joy tanlashdan oldin ko’plab
kompaniyalar - ishlab
chiquvchilar o’z hududida suvni sifatini tezkor tahlil qilishadi, ammo bu ushbu
portativ usullardan foydalanishning maxsus bir holatlaridan biridir xolos. Fitnes
markazlari, suzish havzasi suv bilan ta’minlash, farmatsevtika, kimyo va oziq-ovqat
sohalarida ishlaydigan kompaniyalari doimiy foydalanish m aqsadida suv sifatini
tahlil qilish uchun juda ham tez-tez zamonaviy ko’chma uskunalar sotib olmoqdalar.
Bugungi kunda tashqi muhit ob’ektlarning sifatini aniqlashning portativ
instrumentlari ishlab chiqilishi tufayli tahlilni bevosita zarur bo’lgan
joyda amalga
oshirish mumkin. Bu imkoniyat portativ instrumentlari ishlab chiqilishi va
foydalanilishi ko’lamini doimiy ravishda kengaytirib bormoqda. Shuningdek, u bir
vaqtning o’zida analitik kimyoning hayot va sanoatning turli sohalarida kundalik
ishini engillashtiruvchi innovatsion yechimlarni joriy etishni talab qiladi. Sanoatning
turli tarmoqlarida portativ instrumentlardan foydalanish ham tobora ommalashib
bormoqda. Har bir sanoat korxonasi yakuniy mahsulot sifatini nazorat qilishni
unutmagan holda mahsulot aylanmasini oshirishga, ishlab
chiqarish rentabelligini
o’stirishga intiladi.
Korxonani zamonaviy asbob-uskunalar bilan jihozlash, ayniqsa, ishlab
chiqaruvchilar o’rtasida raqobatni oshirish sharoitida muhim ahamiyatga ega.
Albatta, bu holda, birinchi navbatda, tahlilning tezligi,
ishonchliligi va arzonligi
birinchi o’rinda turadi, chunki ba’zida mahsulot namunalarini maxsus
laboratoriyalarga olib borish va an’anaviy tahlil usullari natijalarini kutish uchun vaqt
yo’q. Bu holat ko’pincha go’sht va sut mahsulotlari, alkogolsiz ichimliklar, sabzavot,
meva, poliz mahsulotlarini sotishda, oziq-ovqat mahsulotlarini havo transportida
tashishda va hokazolarda sodir bo’ladi. Shuning uchun portativ instrumentlari
hozirda oziq-ovqat nazorati, pivo
ishlab chiqarishdan tortib, veterinariya va
bioenergetika sohasidagi tadqiqotlargacha deyarli barcha tarmoqlarda faol
qo’llanilmoqda. Bozorga chinakam yuqori sifatli va raqobatbardosh mahsulot olib
chiqish uchun har bir ishlab chiqarish korxonasi o’z laboratoriyalarini zamonaviy
laboratoriya va nazorat-tahlil uskunalari bilan jihozlashi lozim.
