Səh 52
54. Konstruktor-texnoloji həllərin optimallaşdırılması elementləri
İnteqrasiya olunmuş konstruktor-texnoloji avtomatlaşdırılmış layihələndirmə sistemlərində
hissənin mexaniki emal texnoloji proseslərinin layihələndirilməsi ardıcıllığı bir neçə
mərhələdən (və ya layihələndirmə səviyyəsindən) ibarətdir. Texnoloji əməliyyatların
layihələndirilməsi məsələsini iki mərhələdə yerinə yetirirlər: - əməliyyatın strukturunun
formalaşdırılması (struktur optimallaşdırma); - mexaniki emal prosesinin parametrik
optimallaşdırılması. Texnoloji əməliyyat modelinə müxtəlif səviyyələrdə tərtib edilmiş
modellərdən təşkil olunan qlobal model kimi baxmaq lazımdır. Məsələyə bu cür baxış həmin
modellərin uyğunlaşdırılması probleminə gətirib çıxarır. Modellərin uyğunlaşdırılması tələbləri
həm idarə olunan parametrlərin seçilməsi zamanı, həm də hər mərhələdə məsələnin həlli
formasının seçilməsi zamanı nəzərə alınmalıdır.
55. Kəsici alətlərin itilənməsi texnoloji proseslərinin xüsusiyyətləri
və aktual problemləri
Səh 136
Dairənin yanı ilə müstəvi pardaqlanması stolu irəli-geri hərəkət edən dəzgahlarda ən çox
istifadə olunan emal üsulu olduğunu və universal-itiləmə dəzgahlarının sərtliyinin, bir qayda
olaraq, böyük olmadığını nəzərə alsaq, kəsici alətlərin itilənən səthlərinin müstəviliyinin təmin
olunması aktual texnoloji problem hesab olunur. Bu məsələnin həlli müxtəlif texnoloji
parametrlərin prosesin gedişinə təsirinin daha dərindən öyrənilməsini tələb edir.
