Həll olunan məsələdə ilkin həllin seçilməsi uzlaşdırma-nizamlama həllinin mövcud olmasını
təmin etməlidir.
26. Texnoloji proseslərin optimallaşdırılması metodları
Texnoloji proseslərin optimallaşdırılması, ümumiyyətlə optimallaşdırma zamanı
müxtəlif metod və üsullardan istifadə olunur. Təyinatına görə optimallaşdırma üsulları
belə təsnif olunurlar:
Parametrik optimallaşdırma – Bu üsuldan optimal texnoloji parametrlərin təyin edilməsi
üçün istifadə edirlər.
Struktur optimallaşdırma – texnoloji prosesdə əməliyyat, keçid və gedişlərin
strukturunun, yəni onların ardıcıllığının təyin edilməsi məqsədi ilə bu üsuldan istifadə
edilir.
Funksional optimallaşdırma – Bu üsul həll olunan məsələlərin tipinə görə parametrik
optimallaşdırmaya oxşardır. Lakin funksional optimallaşdırma zamanı texnoloji
parametrlərin konkret optimal qiymətlərini deyil, bu parametrlərin bəzi arqumentlərdən
asılı olaraq dəyişmə funksiyalarının tapılması tələb olunur.
