dedikdə, lokal məsələlərin həllər çoxluğunun qlobal məsələnin həllinə uyğun olması başa
düşülür.
20. Optimallaşdırma riyazi modellərinin strukturu
Riyazi proqramlaşdırmada adətən iki istiqamət fərqləndirilir:
• birinci istiqamətdə determinə edilmiş məsələlərin həlli nəzərdə tutulur, yəni bütün ilkin
informasiya irəlicədən tamamilə məlum olur.
• ikinci isiqamətdə stoxastik proqramlaşdırma məsələləri həll edilir. Bu zaman ilkin
informasiya qeyri-müəyyənliyə malik elementlərdən ibarət olur və ya bəzi parametrlər ehtimal
nəzəriyyəsinin məlum göstəricilərinə malik təsadüfi xarakter daşıyırlar.
Belə ki, istehsal şəraitində hissənin mexaniki emal proseslərinin layihələndirilməsi zamanı
hıssənin və kəsən alətin materialının xüsüsiyyətləri haqqında tam informasiya əldə etmək
mümkün olmur. Stoxastik proqramlaşdırmanın əsas çətinliklərindən biri ilkin informasiyanın
analiz edilməsinin çətinliyi səbəbindən məsələnin qoyuluşunun formalaşdırılmasıdır.
Maşınqayırma istehsal proseslərində, xüsusilə də avtomatlaşdırılmış istehsalatda kəsmə
prosesi, emal edilən hissənin dəqiqliyinə və keyfiyyətinə qoyulan tələblərin kifayət qədər
yüksək etibarlıqla yerinə yetirmək şərti ilə əmək məhsuldarlığının maksimum qiymətini təmin
etməklə müşaiət olunmalıdır. Həmçinin kəsmə prosesində kəsən alətdən istifadə müddətinin
maksimum artırılması şərti də ödənməlidir. Kəsmə prosesinə daimi olaraq həyacanlandırıcı
faktorların təsir etdiklərini də nəzərə alsaq, onda baxdığımız məsələnin həllinin mürəkkəbliyi
haqqında tam təsəvvür əldə etmək olar
